1 REYES 7:26 - Dios Rimashcata Quillcashcami

²⁶ Chai pailaca canchis centímetro racumi carca. Paila shimi muyundica shuc cáliz vaso shina, mana cashpaca lirio sisa shimi shinami carca. Chaica chuscu chunga huaranga litro yacutami aparca.

1 REYES 7:26 ပူးပေါင်းရင်းမြစ်များ

1 REYES 6:18

Diospac huasi ucu pircacunaca cedro tablahuan tapashcami carca. Chai tablacunapica sachapi tiyac calabazacunahuan, sisa butucunahuan allichishcami carca. Shinallatac cedro tablahuan tucui jarcashca cashpami shuc rumillapish mana ricurirca.

1 REYES 6:32

Ishcai pungucunatami olivos caspimanta ruhuashca carca. Chai pungucunapica querubincunata, palmera yuracunata, sisacunata ruhuashpami curihuan taparca.

1 REYES 6:35

Chai pungucunapipish querubincunata, palmera quirucunata, sisacunata, ruhuashpami allichirca. Chai quipaca chai allichishcacunataca alli curihuanmi taparca.

1 REYES 7:19

Diospac huasi corredorpi shayacuc pilar umapi churashca capitelcunaca lirio sisa shinami carca. Chaicunaca shuc metro pusac chunga centimetromi carca.

1 REYES 7:25

Chai pailaca chunga ishcai huagracunapac jahuapimi tiyachishca carca. Chai huagracunaca quimsaca huichaiman, quimsaca inti tigrana ladoman, caishuc quimsaca uraiman, chaishuc quimsaca inti llucshina ladoman ricushpami shayacurca. Chai pailaca huagracunapac jahuapimi carca. Chaquicunaca ucu ladomanmi carca.

1 REYES 7:27

Shinallatac yacuta churana bronce carretacunataca pailacunataca chungatami ruhuarca. Chaicunaca anchomanpish, jahuamanpish shuc metro pusac chunga centimetrotami charirca. Huichaiman medicpica, shuc metro quimsa chunga pichca centimetrotami charirca.

1 REYES 7:38

Chashnallatacmi broncellamantatac, chunga uchilla tanqueta ruhuarca. Chai tanquecunaca huichaiman medicpica, shuc metro pusac chunga centimetrotami charircacuna. Cada tanquemi pusac patsac pusac chunga litrota apac carca. Chai tanquecunataca chunga carretacuna jahuapimi shuc shucpi churarca.

2 CRÓNICAS 4:5

Chai pailaca canchis centímetro chaupi racumi carca. Paila shimi muyundica shuc cáliz vaso shina, mana cashpaca lirio sisa shimi shinami carca. Chai pailaca quimsa huaranga bato yacutami apac carca.

ÉXODO 25:25

Miza muyunditaca curihuan canchis centímetro anchota churangui.

JEREMÍAS 52:21

Jatun pilarcunaca cada pilarmi pusac metro yalli alto, pichca metro chaupi racu carca. Chai pilar ucutaca jutcumi carca. Chai muyundica canchis centímetro racumi carca.

EZEQUIEL 45:11

Granota medingapacpish, yacuta medingapacpish shuc medinallata charichic. Bato medinaca homer medinata chungapi chaupishpa chicanyachishcami canga. Cutin efa nishca medinaca shuc homer medinata chungapi chaupishpa, chicanyachishcami canga. Homer medinami tucuita medina canga.

EZEQUIEL 45:14

Aceitetaca quimsa chunga canchis litrota medishpa cunguichic. Bato medinaca shuc coro medinata chungapi medishpa chicanyachishcami.