1 REYES 7:23 - Dios Rimashcata Quillcashcami

²³ Shinallatac yacuta churangapacca bronceta yacuyachishpami mama cucha nishca shuc jatun pailata muyundita ruhuarca. Chai pailaca shuc ladomanta caishuc ladocaman medicpica, chuscu metro chaupimi carca. Huichaiman medicpica, ishcai metro ishcai chunga centimetromi carca. Shimita muyundi medicpica, chunga quimsa metro chaupimi carca.

1 REYES 7:23 ပူးပေါင်းရင်းမြစ်များ

1 REYES 7:22

Chai ishcai pilarcuna jahua umapica lirio sisacuna shinallatacmi ruhuashpa churarca. Chashnami chai pilarcunata tucuchirca.

1 REYES 7:44

Jatun pailatapish, huichai huandushpa shayacuc chunga ishcai huagracunatapish ruhuarcami.

2 REYES 16:15

Jatun mandac Acaz Urías curata mandashpaca: «Cai jatun altarpica tutamanta Diosman animalcunata cushpa tucui rupachinguichic. Chishica Diosman cushca granota, jatun mandac cushca animalta, chai pueblopi causaccuna cushca animalta rupachinguichic. Shinallatac ofrendatapish, tallina vinotapish rupachinguichic. Chai jahuallapitac huañuchishca animalpac yahuartapish, tucuita Diosman cushpa rupachina animalpac yahuartapish chirapanguichic. Cai bronce altartaca Diosman ñuca tapungapacllami charisha» nirca.

2 REYES 16:17

Jatun mandac Acazca yacu tanqueta charicuc tablacunata pitishpami, chai yacu tanquetapish anchuchirca. Broncemanta ruhuashca huagracunapac jahuapi churashca jatun pailatapish anchuchishpami, rumimanta ruhuashca jahuapi churarca.

2 REYES 25:13

Caldeocunaca Mandac Diospac huasipi shayachishca ishcai jatun bronce pilartapish, yacu apana carretacunatapish, yacu churana pailatapish paquircami. Chai broncetaca Babilonia llactamanmi tucuita aparca.

1 CRÓNICAS 18:8

Hadad-ezerpac Tibhat, shinallatac Cun pueblomantapish achca broncetami japirca. Chai broncehuanmi Salomonca jatun pailatapish, pilarcunatapish, Diospac huasipi ima charinacunatapish ruhuarca.

2 CRÓNICAS 4:2

Shinallatac yacuta churangapacca bronceta yacuyachishpami, mama cucha shuti jatun pailata muyundita ruhuarca. Chai pailaca shuc ladomanta caishuc ladocamanca chuscu metro chaupi, cutin altomanca ishcai metro, ishcai chunga pichca centimetromi carca. Paila shimi muyundica chunga quimsa metro chaupimi carca.

ÉXODO 30:17

Cutinllatacmi Mandac Diosca Moisestaca:

ÉXODO 38:8

Shinallatac pailatapish, chaita tiyachinatapish broncemantami ruhuarca. Chaicunataca Mandac Dios-huan tupana huasi pungupi cac servic huarmicunapac espejocunamantami ruhuarca.

JEREMÍAS 27:19

Cai llactapi saquirishca jatun pilarcunamantapish, yacuta tandana pailacunamantapish, caishuc uchilla yacu huacaichinacunamantapish, shuctac charishcacunamantapish chashnami nin.

JEREMÍAS 52:17

Caldeocunaca Mandac Diospac huasi ñaupapi shayachishca jatun bronce pilarcunataca paquircami. Shinallatacmi broncellamantatac ruhuashca jatun pailatapish, uchilla pailacunatapish paquirca. Mandac Diospac huasimanta tucui broncecunataca Babilonia llactamanmi aparca.

JEREMÍAS 52:20

Ishcai jatun pilarcunata, jatun pailata, chai ucupi tiyac bronce huagracunata, caishuc uchilla tanquecunataca jatun mandac Salomón causacushpami, broncemanta ruhuachishca carca. Chaicunami Mandac Diospac huasipi tiyacurca. Tucui chaicuna mashna pezactaca mana yachai tucuipacmi carca.