1 REYES 7:22 - Dios Rimashcata Quillcashcami

²² Chai ishcai pilarcuna jahua umapica lirio sisacuna shinallatacmi ruhuashpa churarca. Chashnami chai pilarcunata tucuchirca.

1 REYES 7:22 ပူးပေါင်းရင်းမြစ်များ

1 REYES 7:19

Diospac huasi corredorpi shayacuc pilar umapi churashca capitelcunaca lirio sisa shinami carca. Chaicunaca shuc metro pusac chunga centimetromi carca.

1 REYES 7:21

Chai ishcai pilarcunataca Diospac huasi corredorpimi shayachirca. Alli ladoman shayachishca pilartaca Jaquintami shutichirca. Lluqui ladoman shayachishca pilartaca Boaztami shutichirca.

1 REYES 7:23

Shinallatac yacuta churangapacca bronceta yacuyachishpami mama cucha nishca shuc jatun pailata muyundita ruhuarca. Chai pailaca shuc ladomanta caishuc ladocaman medicpica, chuscu metro chaupimi carca. Huichaiman medicpica, ishcai metro ishcai chunga centimetromi carca. Shimita muyundi medicpica, chunga quimsa metro chaupimi carca.

1 REYES 7:41

Ishcai jatun pilarcunatapish, chai pilar umapi churashca tazón capitel nishcacunatapish, shinallatac ishcai rejillacunatapish ruhuarcami. Chai rejillacunaca jatun pilar umacunapi churashca capitelcunata tapashcami carca.