1 REYES 7:15 - Dios Rimashcata Quillcashcami

¹⁵ Paica bronceta yacuyachishpami ishcai pilarta ruhuarca. Chai pilarcunaca altomanca pusac metro chunga centímetro, racumanca pichca metro chuscu chunga centimetrotami charirca.

1 REYES 7:15 ပူးပေါင်းရင်းမြစ်များ

1 REYES 7:16

Shinallatac chai pilar umapi churangapacpish bronceta yacuyachishpami ishcai capitel nishcacunata ruhuarca. Chai capitelcunaca ishcaitami ishcai metro ishcai chunga centimetrota charirca.

1 REYES 7:21

Chai ishcai pilarcunataca Diospac huasi corredorpimi shayachirca. Alli ladoman shayachishca pilartaca Jaquintami shutichirca. Lluqui ladoman shayachishca pilartaca Boaztami shutichirca.

1 REYES 7:41

Ishcai jatun pilarcunatapish, chai pilar umapi churashca tazón capitel nishcacunatapish, shinallatac ishcai rejillacunatapish ruhuarcami. Chai rejillacunaca jatun pilar umacunapi churashca capitelcunata tapashcami carca.

2 REYES 25:13

Caldeocunaca Mandac Diospac huasipi shayachishca ishcai jatun bronce pilartapish, yacu apana carretacunatapish, yacu churana pailatapish paquircami. Chai broncetaca Babilonia llactamanmi tucuita aparca.

1 CRÓNICAS 18:8

Hadad-ezerpac Tibhat, shinallatac Cun pueblomantapish achca broncetami japirca. Chai broncehuanmi Salomonca jatun pailatapish, pilarcunatapish, Diospac huasipi ima charinacunatapish ruhuarca.

JEREMÍAS 27:19

Cai llactapi saquirishca jatun pilarcunamantapish, yacuta tandana pailacunamantapish, caishuc uchilla yacu huacaichinacunamantapish, shuctac charishcacunamantapish chashnami nin.

JEREMÍAS 52:13

Chashna rishpami, Mandac Diospac huasitapish, jatun mandacpac huasitapish, Jerusalenpi tiyac huasicunatapish, jatun huasicunatapish tucui rupachirca.

JEREMÍAS 52:17

Caldeocunaca Mandac Diospac huasi ñaupapi shayachishca jatun bronce pilarcunataca paquircami. Shinallatacmi broncellamantatac ruhuashca jatun pailatapish, uchilla pailacunatapish paquirca. Mandac Diospac huasimanta tucui broncecunataca Babilonia llactamanmi aparca.

JEREMÍAS 52:21

Jatun pilarcunaca cada pilarmi pusac metro yalli alto, pichca metro chaupi racu carca. Chai pilar ucutaca jutcumi carca. Chai muyundica canchis centímetro racumi carca.

EZEQUIEL 40:49

Chai corredorca chunga metro, chuscu chunga centímetro altomi carca. Cutin anchomanca pichca metro canchis chunga centimetromi carca. Chaiman huichicungapacca chunga patayuc gradami tiyarca. Chai pungupica tucui ladomanmi pilarcuna tiyarca.