1 REYES 6:7 - Dios Rimashcata Quillcashcami

⁷ Diospac huasita shayachingapacca allichishca rumicunallatacmi apamurca. Chaimantami huasita ruhuacucpica, tacana fierrota, hachata, ima shuc fierrocunapish chilin nishpaca mana uyarirca.

1 REYES 6:7 ပူးပေါင်းရင်းမြစ်များ

1 REYES 6:6

Pirca muyundipi tiyac callari ucuca ishcai metro ishcai chunga pichca centímetro anchomi carca. Chai ucupac jahuapi tiyac ucuca ishcai metro canchis chunga centimetromi carca. Chai ishcai ucupac jahuaman tiyac ucuca quimsa metro chunga pichca centimetromi carca. Diospac huasi patacunapi caspicunata mana jarcachishpa churangapacmi huasi canzha lado pircataca ñañuyachishpa ruhuarca.

1 REYES 6:8

Chaupi altoi-bajopi tiyac ucuman yaicuna punguca Diospac huasi alli ladomanmi carca. Chaupi altoi-bajoman huichai ringapacpish, chai altoi-bajomanta ashtahuan jahua altoi-bajoman huichai ringapacpish achcata muyushpa churu shina gradami carca.

ÉXODO 20:25

Chai altarta ama labrashca rumicunahuan ruhuanguichicchu. Fierrocunahuan allichishpaca mapayachinguichicmi.

PROVERBIOS 24:27

Canzha ruhuaicunatarac ruhuangui. Cambac allpacunapi ruhuaitarac yuyaringui. Chai quipaca cambac huasita shayachingui.

ISAÍAS 42:2

Paica mana caparingachu, mana sinchita rimangachu. Ñancunapipish pai rimashcaca mana uyaringachu.

HECHOS 9:31

Chaimantami Judea llactapi, Galilea llactapi, Samaria llacta tandanacushca criccunaca cushilla causarcacuna. Paicunaca Mandac Diosta manchashpa, ashtahuan sinchi criccunami tucurca. Shinallatac Diospac Espíritu pushacushcamantami, ashtahuan achca criccuna tucurca.

ROMANOS 9:23

Diosca sumaimana cashcata ricuchingapacmi, ñaupamanta pacha cuyac cashcata ñucanchicman ricuchirca. Chaitaca ñaupamanta pachami, allichishca carca.

2 CORINTIOS 5:5

Chashna japichunca, Diosllatami yuyaita curca. Chaita japina cashcata ricuchichunca, paillatacmi paipac Espirituta ñucanchicman curca.

COLOSENSES 1:12

Diosta pagui nishpa, cushicushpa apanguichiclla. Paimi Diospaclla caccuna japina cashcata cancunapish paipac achiclla mandacucpi japiccuna cachun ruhuarca.

SANTIAGO 1:20

Pipish piñaricca, Dios munashcataca mana ruhuanchu.

1 PEDRO 2:5

Chashna chayaricpimi, Dios causana huasipica causac rumicuna shinata, shinallatac Diospaclla cac curacunata Diosca ruhuanga. Jesucristomantami Diospac Espíritu yuyaita cucpi cancuna cushcaca, mishquilla ashnacuc shina cachun chashnaca ruhuanga.