1 REYES 6:5 - Dios Rimashcata Quillcashcami

⁵ Shinallatac chai huasi jatun pircapi quimichishpami uchilla ucucunatapish ruhuarca. Diospaclla chicanyachishca ucu pata muyundipipish chashnallatac ucucunatami ruhuarca.

1 REYES 6:5 ပူးပေါင်းရင်းမြစ်များ

1 REYES 6:16

Shinallatac chai huasi ucupica ucu pambamanta pacha jahuacamanmi iscun metrota charic ucuta cedro tablahuan ruhuarca. Chai ucutaca Diospaclla chicanyachishca cachunmi ruhuarca.

1 REYES 6:31

Diospaclla cac ucuman yaicuna pungupica huichaiman churashca caspicunapish, pichca esquinacunata ruhuashca olivos caspimantami carca.

1 REYES 6:6

Pirca muyundipi tiyac callari ucuca ishcai metro ishcai chunga pichca centímetro anchomi carca. Chai ucupac jahuapi tiyac ucuca ishcai metro canchis chunga centimetromi carca. Chai ishcai ucupac jahuaman tiyac ucuca quimsa metro chunga pichca centimetromi carca. Diospac huasi patacunapi caspicunata mana jarcachishpa churangapacmi huasi canzha lado pircataca ñañuyachishpa ruhuarca.

1 CRÓNICAS 23:28

Paicunaca Aaronpac huahua huahuacunata Mandac Diosta servinata ayudangapacmi carca. Paicunaca Diospac huasipi paipaclla chicanyachishcacunapi, ima mapa ama tuparichun cuidaccuna, ima ashtahuan shuc ruhuanacunatapish ruhuaccunami carca.

1 CRÓNICAS 28:11

Chashna nishpami, Davidca Diospac huasi corredortapish, Diospaclla huasi ucutapish, juchamanta cushca yahuarta jichana Diospac Arca tiyacuc ucutapish ima shina ruhuanata ricuchishpa, paipac churi Salomonman curca.

1 CRÓNICAS 9:26

Pungupi cuidaccunata mandac chuscu levitacunaca Diospac huasi ucutapish, chaipi tiyac valishcacunatapishmi cuidacurca.

2 CRÓNICAS 31:11

Shina cacpimi, Ezequiasca Mandac Diospac huasipi shuctac ucucunata ruhuachun mandarca. Shina mandacpimi, ucucunaca ruhuarcacuna.

2 CRÓNICAS 4:20

Shinallatac candelerocunatapish, chaipi churana lamparacunatapish alli curimantami ruhuarca. Chaicunataca mandashcapi nishca shinallatac Diospaclla chicanyachishca ucu cuchupi mechata japichingapacmi ruhuarca.

2 CRÓNICAS 5:7

Chai quipami curacunaca Mandac Dios ari nishca quillcata huacaichina Arcataca maipi churana cashca pushtuman aparcacuna. Shina apashpaca, Diospac huasiman yaicuchishpami Diospaclla chicanyachishca ucuman apashpa querubincunapac alas ucupi churarca.

2 CRÓNICAS 5:9

Chai huanduna caspicunaca largo cashcamantami Diospaclla ucumantaca ricunalla carca. Canzhamantaca mana ricunallachu carca. Chaica cunan punzhacamanmi chashnallatac tiyacun.

NEHEMÍAS 10:37

Punta masashca tandata, tucui yuracunapi punta pucushca granota, punta ruhuashca vinota, aceiteta curacunaman, ñucanchic Diospac huasiman apamungapac. Ñucanchic allpapi pucushcacunataca chungamanta shucta levitacunaman apamungapacmi ari nircanchic. Ñucanchic allpapi pucushca granocunataca levitacunamanmi chungamanta shucta cungapac tucui pueblocunapi tandac carcanchic.

NEHEMÍAS 12:44

Chai punzhapica imapish yalli valishcacunata, Diosman cushcacunata, punta pucushcacunata, chungamanta shucta cushcacunata, huacaichina ucuta cuidachunmi churarca. Paicunataca pueblo muyundi pambacunapi pucushcacunata, shinallatac mandashcapi nishca shina curacunaman, levitacunaman cungapac apamushcacunata tandachichunmi churarca. Judá llactapi causaccunaca curacunapish, levitacunapish Diosta servicucpica yallitami cushicurca.

SALMOS 28:2

Caparishpa ñuca mañashcatapish, cambaclla huasi ladoman huichailla maquicunata chutashpa mañashcatapish uyaiyari.

ÉXODO 25:22

Chaipimi ñucaca canhuan tupasha. Dios-huan ari nishca quillcata huacaichina Arca tapa jahuamanta, chai tapa jahuapi tiyacuc ishcai querubincunapac chaupimantami israelcunata imata ninata huillasha.

CANTARES 1:4

Ñucata pushaiyari. Cantaca catishpa callpashunllami. Jatun mandacmi paipac huasiman aparca. ¡Canhuanca yallita sumacta cushicushun! Can cuyashcataca, vinotapish yallimi yuyaricushun. Chaimantami cantaca cuyancuna.

JEREMÍAS 35:2

«Ricabitacunapacman rishpa, paicunahuan parlashpa, ñuca huasipi tiyac shuc ucuman pushamushpa vinota ubiachingui» nirca.

JEREMÍAS 35:4

Mandac Diospac huasiman pushamurcani. Chaica, Diosta servic Hananpac churicunapac huasimi carca. Hananca Igdaliaspac churimi carca. Chai huasica mandaccunapac huasi ladopi, Diospac huasi pungupi cuidac Maasiaspac huasi jahua altopimi carca. Maasiasca Salumpac churimi carca.

EZEQUIEL 40:17

Chai quipaca huasi pungu canzha pambaman apacpimi, uchilla ucucunata ricurcani. Chaicunaca muyundita rumihuan llambucllata ruhuashcami carca. Chai pungu pamba muyundipica quimsa chunga ucucunami tiyarca.

EZEQUIEL 40:44

Caishuc ladomanta yaicushpa, jahua ladoman cac pambapi cac ishcai ucucunaca cantaccunapacmi carca. Shuc ucuca jahua ladopi cac zahuan ladomanmi carca. Chai ucuca ura ladomanmi ashtahuan alli ricurirca. Shuc ucuca ura ladopi cac zahuan ladomanmi carca. Chai ucuca jahua ladomanmi ashtahuan alli ricurirca.

EZEQUIEL 41:4

Diospaclla chicanyachishca ucuca largomanpish, anchomanpish chunga metromi carca. Chai quipami ñucataca: «Caimi Diospaclla chicanyachishca huasica» nirca.

LEVÍTICO 16:2

«Cambac huauqui Aarontaca ama ima horaspish pañohuan jarcashca huashapi cac mandashcacunata huacaichina Arcata catashca, ñucapaclla ucuman yaicuchun ningui. Chaiman ima horaspish yaicushpaca huañungami. Ñucaca chai catashca jahuapimi puyupi ricurisha.

NÚMEROS 7:89

Dios-huan tupana huasipi paihuan parlangapac Moisés yaicucpica, Dios quillcachishcata huacaichina tapashca jahuapi ishcai alasyuccuna tiyacuc chaupimantami Mandac Diosca paihuan rimac carca.