1 REYES 6:4 - Dios Rimashcata Quillcashcami

⁴ Diospac huasi ventanacunataca ucumanca ancho canzhamanca quichquitami ruhuarca.

1 REYES 6:4 ပူးပေါင်းရင်းမြစ်များ

1 REYES 6:3

Diospac huasi ñaupaman tiyac corredorca Diospac ucu largo shinallatacmi iscun metrota charirca. Shinallatac Diospac ucu ñaupapica chuscu metro chaupi anchomi carca.

1 REYES 7:4

Ventanacunaca ishcai ladopitacmi chimbapurashca quimsa fila carca.

CANTARES 2:9

Ñuca cuyashcaca taruga shina, mana cashpaca maltón gacela shinami. Riquichic, paica ñucanchic pirca huashapimi ventanamanta chapacun. Ventanapi churashca caspi huashamantami chapacun.

EZEQUIEL 40:16

Shinallatac uchilla ucucunapica ucumanca ancho, canzhamanca quichqui ventanacunami muyundita tiyarca. Churanata huacaichina ucu muyundipipish ventanacunami tiyarca. Chai ventenacunaca ucu ladomanmi muyundita carca. Shinallatac tucui pilarcunapimi palmerata dibujashca carca.

EZEQUIEL 41:16

Diospac huasi muyundipi cac uchilla ucucunapish quimsa altocamanmi pambamanta jahua ventanacaman tablahuan tapashca carca. Pungu umbralcunatapish, ventanacunatapish tablacunahuan tapashcami carca.

EZEQUIEL 41:26

Chai corredorpi cac churanata huacaichina ucucunata ruhuashca pircacunapica quichqui ventanacunami tiyarca. Chaipica palmerata dibujashcami carca. Diospac huasi muyundipi tiyac huasicunapish umbralcamanmi chashnallatac carca.