1 REYES 6:38 - Dios Rimashcata Quillcashcami

³⁸ Chai huasitaca chunga shuc huatata ña mandacucpimi, Bul shuti pusac quillapi tucui tucuchirca. Chaipi ima tiyanatapish, chaipi ima minishtirishcatapish canchis huatapi shayachishpa tucuchirca.

1 REYES 6:38 ပူးပေါင်းရင်းမြစ်များ

1 REYES 6:1

Israelcunata Salomón chuscu huatata mandacui huatami israelcuna Egipto llactamanta llucshimushcaca chuscu patsac pusac chunga huata tucurca. Chai huatapac Zif shuti quillapimi Mandac Diospac huasita shayachinata callarirca.

1 REYES 6:14

Shinami Salomonca Diospac huasita shayachinataca tucuchirca.

1 REYES 6:37

Ña chuscu huatata Salomón mandacucpimi, Zif shuti quillapi, Mandac Diospac huasita shayachingapac callari rumicunata churarca.

1 REYES 6:9

Salomonca Diospac huasita tucuchishpaca, chai huasi jahuataca vigacunahuan, cedro tablacunahuanmi taparca.

1 REYES 7:1

Chai quipami Salomonca pai causana huasita shayachirca. Chai huasitaca chunga quimsa huatapimi tucui tucuchirca.

1 REYES 9:10

Ishcai chunga huatapimi Salomonca Mandac Diospac huasitapish, mandashpa tiyana huasitapish ruhuashpa tucuchirca.

1 CRÓNICAS 28:19

Davidca: «Tucui caicunatami Mandac Diosca paipac maquihuan ima shina ruhuana cashcata ricuchishpa quillcachirca» nirca.

1 CRÓNICAS 28:20

Shinallatac paipac churi Salomontaca: «Sinchi, sinchi tucushpa, cushicushpa ruhuai callarilla. Ñucata Mandac Diosca canhuanmi. Chaimanta ama manchaichu, ama shaicuichu. Mandac Diosca paipac huasita tucuita alli ruhuashpa, tucuchingacaman cantaca manatac saquingachu, mana cungaringachu.

2 CRÓNICAS 8:1

Ishcai chunga huatapimi Salomonca Mandac Diospac huasitapish, mandashpa tiyana huasitapish ruhuanata tucuchirca.

2 CRÓNICAS 8:16

Salomonca pai imata ruhuana cashcataca Mandac Diospac huasi cementota callari punzhamanta tucui shayachishpa tucuchingacamanmi tucui allichirca. Chashnami Mandac Diospac huasica tucui tucuchishca carca.

ESDRAS 5:11

Shina tapucpimi paicunaca: “Ñucanchicca jahua pachata, cai pachata ruhuac Diosta serviccunami canchic. Ñucanchicca tigrachishca huasitami cutin shayachicunchic. Cai huasitaca israelcunata jatun mandacmi ñaupa huatacunapi shayachishca carca.

ÉXODO 39:32

Chashnami Dios-huan tupana huasita ruhuashpa tucuchirca. Mandac Dios Moisestaca mandashca shinallatacmi tucuita ruhuarca.

ÉXODO 39:42

Mandac Dios Moisesta mandashca shinallatacmi israelcunaca tucuita ruhuarca.

ÉXODO 39:43

Mandac Dios mandashca shinallatac ruhuashcatami Moisesca ricurca. Chaita ricushpami bendiciarca.

ZACARÍAS 4:9

“Zorobabelmi ñucapac huasi callari rumitaca churarca. Paillatacmi tucuchinga. Chaita ricushpami, Mandac Diosllatac ñucataca cachashcata yachanguichic.

SAN JUAN 2:20

Shina nicpimi mandac israelcunaca: —Cai huasitaca chuscu chunga sucta huatapimi shayachirca. ¿Maitatac quimsa punzhallapi shayachinguiyari?— nirca.