1 REYES 6:36 - Dios Rimashcata Quillcashcami

³⁶ Shinallatac Dios-huan tupana huasi ucupi cac patataca labrashca rumicunahuanmi quimsa filata ruhuarca. Cutin shuc filataca cedro caspimantami ruhuarca.

1 REYES 6:36 ပူးပေါင်းရင်းမြစ်များ

1 REYES 6:35

Chai pungucunapipish querubincunata, palmera quirucunata, sisacunata, ruhuashpami allichirca. Chai quipaca chai allichishcacunataca alli curihuanmi taparca.

1 REYES 7:12

Chai jatun pungu pamba muyundipica quimsa filatami labrashca rumicunahuan, shuc filataca cedro caspihuan shayachishpa ruhuashca carca. Mandac Diospac ucu pungu pambatapish pilarcunahuan shayachishca huasi ucu pambatapish shayachishcami carca.

2 CRÓNICAS 4:9

Shinallatac curacunapac ucu pambatapish, tucuipac shayana jatun pambatapish punguhuanmi ruhuarca. Tucui chaicunatami broncehuan jahuata llutarca.

2 CRÓNICAS 7:7

Salomonca Mandac Diospac huasi ñaupapi cac chaupi pambatami Diospaclla cachun ruhuarca. Diosman cushpa tucui rupachina animalcunatapish, Dios-huan alli tucungapac cushca animalcunapac huiratapish, chaipimi rupachirca. Salomón ruhuashca bronce altarpi tucui rupachina animalcunata, animalcunapac huirata, Diosman cushca ofrendatapish rupachingapac mana pactacpimi, chaipi rupachirca.

ESDRAS 6:4

Chai huasipica quimsa fila labrashca rumicunata, shuc fila mushuc caspicunata churanguichic. Chaita ruhuangapacca jatun mandac ñuca huasipi tiyac valishcacunahuan randinguichic.

JEREMÍAS 36:10

Barucca Jeremías quillcachishcataca tucui gentecuna uyachunmi Mandac Diospac huasipi rezarca. Chai ucuca Safanpac churi quillcac Gemariaspacmi carca. Cai ucuca Mandac Diospac huasiman yaicuna mushuc pungumanta jahua lado pambapimi carca.

EZEQUIEL 40:28

Chai quipaca ura lado zahuanta pushashpami, ñucataca ucu pungu pambaman pusharca. Chai pungupish caishuc pungucuna shinallatacmi medirca.

APOCALIPSIS 11:2

Ashtahuanpish Mandac Diosta mañana huasi canzha pambataca ama medinguichu. Chaica Diosta mana ricsiccunaman cushcami. Paicunami chuscu chunga ishcai quillata Diospaclla cac pueblotaca llaquichinga.