1 REYES 6:35 - Dios Rimashcata Quillcashcami

³⁵ Chai pungucunapipish querubincunata, palmera quirucunata, sisacunata, ruhuashpami allichirca. Chai quipaca chai allichishcacunataca alli curihuanmi taparca.

1 REYES 6:35 ပူးပေါင်းရင်းမြစ်များ

1 REYES 6:18

Diospac huasi ucu pircacunaca cedro tablahuan tapashcami carca. Chai tablacunapica sachapi tiyac calabazacunahuan, sisa butucunahuan allichishcami carca. Shinallatac cedro tablahuan tucui jarcashca cashpami shuc rumillapish mana ricurirca.

1 REYES 6:34

Ashtahuanpish chai ishcai pungucunaca ciprés caspimanta ruhuashcami carca. Chai pungucunaca muyucllami carca.

1 REYES 6:36

Shinallatac Dios-huan tupana huasi ucupi cac patataca labrashca rumicunahuanmi quimsa filata ruhuarca. Cutin shuc filataca cedro caspimantami ruhuarca.

1 REYES 7:26

Chai pailaca canchis centímetro racumi carca. Paila shimi muyundica shuc cáliz vaso shina, mana cashpaca lirio sisa shimi shinami carca. Chaica chuscu chunga huaranga litro yacutami aparca.

1 REYES 7:36

Tablata churana marcocunapica querubincunata, leoncunata, palmera yuracunatami ruhuarca. Maipi chashna ruhuana pushtu tiyashcapimi chashna ruhuarca. Chai muyunditaca quirnalda nishcahuanmi sumacta ruhuarca.

2 CRÓNICAS 4:21

Sisacunapish, lamparacunapish alli curimantami ruhuashca carca.

2 CRÓNICAS 4:22

Shinallatac mechacunata pitinacunatapish, tazoncunatapish, cucharacunatapish, inciensota rupachinacunatapish alli curimantami ruhuarca. Diospaclla chicanyachishca ucuman yaicuna pungucunatapish, Diospac huasi ucuman yaicuna pungucunatapish, punta jatun pungutapish curillamantatacmi ruhuarca.

SALMOS 74:6

Chashnami hachacunahuan, martillocunahuan yaicushpa caspimanta ruhuashca sumac ricunacunata tucui paquircacuna.

EZEQUIEL 40:16

Shinallatac uchilla ucucunapica ucumanca ancho, canzhamanca quichqui ventanacunami muyundita tiyarca. Churanata huacaichina ucu muyundipipish ventanacunami tiyarca. Chai ventenacunaca ucu ladomanmi muyundita carca. Shinallatac tucui pilarcunapimi palmerata dibujashca carca.

EZEQUIEL 40:22

Chai pungu ladopi cac ventanacunapish, pungucunapish, dibujashca palmeracunapish inti llucshina ladoman cac pungucuna shinallatacmi carca. Chaiman yaicungapacca canchis gradacunatami huichicuna carca. Churanata huacaichina ucuca chai ñaupallapitacmi carca.

EZEQUIEL 41:18

querubincunata, palmerata dibujashcami carca. Cada querubinpac ladopimi shuc palmerata dibujashca carca. Cada querubinmi ishcai ladoman ñahuita charirca.