1 REYES 6:27 - Dios Rimashcata Quillcashcami

²⁷ Chai querubincunataca Diospac huasipi cac Diospaclla chicanyachishca ucupimi churarca. Shuc querubinpac alasca caishuc lado pircaman tupacta, caishuc querubinpac alaspish caishuc lado pircaman tupactami carca. Chaupipica caishuc alascunahuan tupachinacushcami carca.

1 REYES 6:27 ပူးပေါင်းရင်းမြစ်များ

1 REYES 6:26

Punta querubinca chuscu metro chaupi jatunmi carca. Caishucpish chashnallatacmi carca.

1 REYES 6:28

Chai querubincunatapish curihuanmi jahuata taparca.

1 REYES 8:6

Chai quipami curacunaca Mandac Dios ari nishca quillcata huacaichina Arcataca Dios-huan tupana huasiman yaicuchishpa, Diospaclla chicanyachishca ucuman apashpa querubincunapac alas ucupi churarca.

1 REYES 8:7

Chai querubincunaca Diospac Arca jahuatami alasta chutashca carcacuna. Chashnami Arcatapish huanduna vara caspicunatapish alas-huan tapashca carca.

2 CRÓNICAS 3:11

Chai querubincunapac alascunaca quingraimanca iscun metromi carca. Shuc alasca ishcai metro ishcai chunga pichca centimetromi carca. Chai alasca ucu pirca quingraipi tuparishcami carca. Caishuc alaspish, ishcai metro ishcai chunga pichca centimetromi carca. Chai alasca caishuc querubinpac alas puntahuanmi tupashca carca.

2 CRÓNICAS 5:8

Chai querubincunaca chai Arca jahuata alascunata churashpami Arcatapish, huanduna caspicunapish paicunapac alas-huan tapashca carca.

ÉXODO 25:20

Chai querubincunaca tapa jahuapimi alascunahuan tapata quillpashca ñahuipura ricushpa tiyacunga. Chai querubincunaca chimbapurashpami, tapata ricushpa tiyacunga.

ÉXODO 37:9

Chai querubincunaca tapa jahuapimi alascunata chutashpa, tapata quillpashca, ñahuipura ricushpa tiyacurca.