1 REYES 6:10 - Dios Rimashcata Quillcashcami

¹⁰ Shinallatac Diospac huasi tucui muyundipica ishcai metro ishcai chunga pichca centimetrota charic huasicunatami shayachirca. Chai huasica Diospac huasi pircapi cedro caspihuan jarcachishcami carca.

1 REYES 6:10 ပူးပေါင်းရင်းမြစ်များ

1 REYES 6:11

Chai quipami mandac Diosca Salomonta rimashpaca:

1 REYES 6:9

Salomonca Diospac huasita tucuchishpaca, chai huasi jahuataca vigacunahuan, cedro tablacunahuanmi taparca.

2 REYES 11:2

Jatun mandac Jorampac ushi Ocoziaspac pani Josabaca Ocoziaspac churi Joasta pacalla apashpami pacarca. Joasca jatun mandaccunapac churicunapuramantami carca. Atalía ama ricuchunmi huiñachic mamandi sueñuna ucupi pacarca. Chashnami paitaca mana huañuchirca.

1 CRÓNICAS 28:11

Chashna nishpami, Davidca Diospac huasi corredortapish, Diospaclla huasi ucutapish, juchamanta cushca yahuarta jichana Diospac Arca tiyacuc ucutapish ima shina ruhuanata ricuchishpa, paipac churi Salomonman curca.

CANTARES 1:17

Ñucanchic camaca sisacuna mandashcami, huasi vigacunaca cedro, ciprés caspicunami.

JEREMÍAS 35:2

«Ricabitacunapacman rishpa, paicunahuan parlashpa, ñuca huasipi tiyac shuc ucuman pushamushpa vinota ubiachingui» nirca.

EZEQUIEL 41:6

Diospac huasi ladopi cac ucucunaca quimsa altoyucmi carca. Cada altopimi quimsa chunga uchilla ucucuna tiyarca. Diospac huasi muyundipica ashalla pirca llucshishcami carca. Chai pirca ucucuna samachishpa racu caspicunata churashcami carca.