1 REYES 5:9 - Dios Rimashcata Quillcashcami

⁹ Chai caspicunataca ñucata serviccunami Libanomanta mama cuchacaman apamunga. Chaimantaca can maiman cachai nicpipish, chai pushtumanmi mama cuchata balsapi cachasha. Chaiman chayacpica japinguilla. Shinallatac canpish, ñuca mañashca shinallatac ñuca familiacunaman micunata cachangui» nichunmi cacharca.

1 REYES 5:9 ပူးပေါင်းရင်းမြစ်များ

1 REYES 3:12

Riqui, cunanca can mañashca shinallatacmi ruhuasha. Riqui, alli entendic alli yuyaita charic shungutami canman curcani. Chashna alli yuyaita charic runaca cambac ñaupapish, mana tiyarcachu. Cambac quipapish, can shinaca mana tiyangachu.

1 REYES 4:20

Judá llactapi, Israel llactapi, causaccunaca mama cucha yacu patapi tiyac tio shina achcami carca. Paicunaca tucuimi micushpa, ubiashpa, cushicushpa causarcacuna.

1 REYES 5:10

Chashnami Hiramca cedro caspicunata, ciprés caspicunata Salomón mashna mañashcata curca.

1 REYES 5:8

Chai quipami Hirampish Salomontaca: «Can ima nichun cachashcatapish uyarcanimi. Cedro caspimanta, ciprés caspimanta can imata ruhuachun nicpipish, tucui ruhuashallami.

1 REYES 9:27

Hiramca chai barcocunapimi mama cuchapi barcota purichinata alli yachac, paipac runacunata Salomonta serviccunahuan cacharca.

2 CRÓNICAS 1:15

Jatun mandacca cullquitapish, curitapish rumita shinami, Jerusalenpica charirca. Cedro caspicunatapish, Sefela pambapi tiyac sacha higo yuracunata shinami, achcata charirca.

2 CRÓNICAS 2:16

Ñucanchicca can mashna mañashca caspicunata Líbano urcupi pitigrishunllami. Chai quipaca balsata ruhuashpami, chai caspicunataca mama cuchata Jope pueblocaman apamushun. Chai pueblomantaca canllatac Jerusalenman ashtanguillami» nishpami quillcashpa cacharca.

2 CRÓNICAS 9:22

Chashnami jatun mandac Salomonca tucui llacta mandaccunata atishpa chayucpish, alli yachacpish tucurca.

ESDRAS 3:7

Huasita ruhuaccunamanpish, carpinterocunamanpish cullquita curcacunami. Shinallatac Sidón, Tiro pueblocunapi causaccunamanpish Persia llactata jatun mandac Ciro munashca shinallatacmi Líbano urcumanta cedro caspicunata mama cuchata huambuchishpa, Jope puebloman apamuchun micunata, ubianata, aceiteta curcacuna.

JOB 32:8

Runataca paipi tiyac espiritumi yachachin. Tucuita ruhuac Diospac samaimi alli yuyaita cun.

ECLESIASTÉS 1:16

Chaimantami ñuca shungupica: «Jerusalenpi ñaupa causac tucui mandaccunata yalli yachac, shinallatac tucuipac jatunyachishcami cani. Ñucaca achcata yachac alli yuyaiyucmi cani» nircani.

EZEQUIEL 27:17

Judá llacta gentecunapish, israelcunapish canhuanmi catushpa, randishpa causac carca. Paicunaca plazacunapica trigohuan, mirrahuan, mishquihuan, aceitehuan, resinahuanmi randic carca.

HECHOS 12:20

Mandac Herodesca Tiro pueblopi, Sidón pueblopi causaccunahuanmi yallita piñarirca. Chashna piñarishpami, chai llactapi causaccunaman ama imata catuchun mandarca. Chaimantami paicunaca shuc yuyailla tucushpa, Herodespac mayordomo Blastota Herodes-huan parlashpa cuchun mañarcacuna. Chai llactacunapi causaccunaca Herodespac llactamantami micunata randishpa causac carca. Chaimantami mana piñanacunata munarcacuna.

DEUTERONOMIO 3:25

Ñucapish Jordán yacuta pasashpa, chai urcu alli allpacunatapish, Líbano llactatapish ricungapac richun saquiyari” nishpa mañarcani.