1 REYES 4:5 - Dios Rimashcata Quillcashcami

⁵ Natanpac churi Azariasca llactacunapi churashca mandaccunata mandacmi carca. Natanpac churi Zabudca jatun mandacta cunac paipac alli ricsishcami carca.

1 REYES 4:5 ပူးပေါင်းရင်းမြစ်များ

2 SAMUEL 12:25

Diosmanta huillac Natanta Davidpacman cachashpa, chai huahuataca Jedidiasta shutichirca. Mandac Diosta cazushcamantami chaita shutichirca.

2 SAMUEL 15:37

David chashna nicpimi, paihuan apanacuc Husaica Jerusalenman cutishpa rirca. Absalonpish chai puebloman chayarcami.

2 SAMUEL 16:16

Davidpac alli ricsishca arquitapuramanta Husai Absalonhuan tupangapac llucshishpaca: —¡Jatun mandaclla, causacunguimi! ¡Jatun mandaclla, causacunguimi!— nirca.

2 SAMUEL 20:26

Shinallatac Jair pueblomanta Irapish jatun mandac Davidpac curami carca.

2 SAMUEL 5:14

Jerusalén pueblopi huacharishca huahuacunaca: Samúa, Sobab, Natán, Salomón,

2 SAMUEL 7:2

Chaimantami Davidca Diosmanta huillac Natantaca: —Riqui, ñucaca cedromanta ruhuashca sumac huasipimi causacuni. Ashtahuanpish Diospac Arcaca carpa huasillapimi tiyacun— nirca.

2 SAMUEL 8:18

Joiadapac churi Benaiasca peleteocunata, Cereteocunata mandacmi carca. Davidpac churicunaca curacunami carca.

1 REYES 4:6

Ahisarca mandana huasita ricuc mayordomomi carca. Abdapac churi Adoniramca sinchi ruhuaicunapi caccunata mandacmi carca.

1 REYES 4:7

Salomonca tucui Israel llactapimi chunga ishcai mandaccunata charirca. Paicunami jatun mandacmanpish, paipac huasipi causaccunamanpish imatapish apamuc carca. Paicunaca tucuimi huatanta shuc quilla jundata imatapish jatun mandacman apamuccuna carca.

1 CRÓNICAS 27:33

Ahitofelpish jatun mandacman alli yuyaita cucmi carca. Arquitapuramanta Husaica jatun mandacpac alli ricsishcami carca.

PROVERBIOS 22:11

Jatun mandacca chuya shungu runatami cuyan. Sumacta rimac runami paihuanca apanacunga.

SAN JUAN 13:23

Jesuspac shuc cuyashca yachacucmi paihuan quimirishpa tiyacurca.

SANTIAGO 2:23

Chashnami Dios quillcachishcapi: «Abrahamca Diosta crircami. Chashna crishcamantami Diosca paihuan alli tucuchun chasquirca» ninmi. Chaimantami Abrahamtaca Diosca «ñucahuan apanacucmi cangui» nishca pactarca.