1 REYES 4:11 - Dios Rimashcata Quillcashcami

¹¹ Dor tucui llactacunapica Ben-abinadabmi mandacurca. Paica Salomonpac ushi Tafathuanmi cazararca.

1 REYES 4:11 ပူးပေါင်းရင်းမြစ်များ

1 REYES 4:15

Ahimaasca Neftalí llactatami mandacurca. Paica Salomonpac ushi Basemathuanmi cazararca.

JOSUÉ 11:1

Chaita uyashpami Hazor pueblota mandac Jabinca Madón pueblota mandac Jobabmanpish, Simrón pueblota, Acsaf pueblota jatun mandaccunamanpish huillachun cacharca.

JOSUÉ 11:2

Shinallatac jahua lado urcupi tiyac pueblocunata mandaccunamanpish, Cineret mama cucha ura ladopi tiyac pueblocunata mandaccunamanpish, Sefela llacta mandaccunamanpish, inti llucshina ladopi tiyac Nafot-dor pueblota mandaccunamanpish huillachun cacharca.

JOSUÉ 12:23

Dor llacta Dor pueblota jatun mandacta, Gilgal llactapi tiyac Goim pueblota jatun mandacta,

JOSUÉ 17:11

Manasespac ailluca Isacarpac, Aserpac aillucunapac llactapipish cai pueblocunata charircami. Chai pueblocunaca Bet-seán pueblo, Ibleam pueblo uchilla llactacunandimi carca. Dor pueblopi causaccunapish uchilla llactacunandi, Endor pueblopish uchilla llactacunandi, Taanac pueblopi causaccunapish uchilla llactacunandi, Meguido pueblopi causaccunapish uchilla llactacunandimi paipac carca. Quimsaniqui llactaca Nafotmi carca.

JUECES 1:27

Manasés ailluca Bet-seán, Taanac, Dor, Ibleam, Meguido pueblopi causaccunatapish, chai ladopi tiyac uchilla llactacunapi causaccunatapish mana llucchishpa cachai pudircachu. Chaimantami cananeocunaca chai llactallapitac causashpa catirca.

1 SAMUEL 16:6

Paicuna ña chayacpimi, Samuelca Eliabta ricushpaca: «¡Mandac Diosca cai runatami jatun mandac cachun acllashca canga!» nishpa yuyacurca.

1 SAMUEL 16:8

Shinami Isaica caishuc churi Abinadabta Samuelpac ñaupaman cayarca. Shina cayacpimi Samuelca: —Mandac Diosca paitapish mana acllashcachu— nirca.

1 SAMUEL 16:9

Chai quipami Isaica caishuc churi Samata Samuelpac ñaupaman cayarca. Shina cayacpimi Samuelca: —Mandac Diosca paitapish mana acllashcachu— nirca.