1 REYES 3:3 - Dios Rimashcata Quillcashcami

³ Salomonca Mandac Diosta cuyarcami, paipac taita David yachachishcatapish cazushpami causarca. Shina cashpapish, lomacunapi tiyac altarcunapimi animalcunata Diosman cushpa huañuchic carca, shinallatac inciensotapish cushnichic carca.

1 REYES 3:3 ပူးပေါင်းရင်းမြစ်များ

1 REYES 11:34

Shina cacpipish, pai mandanataca mana tucuichu paipac maquimantaca quichusha. Ashtahuanpish ñuca acllashca ñucata servic Davidta cuyashcamantami, Salomontaca tucui paipac causaipi mandachun saquigrini. Davidca ñuca mandashcacunata pactachichun ñuca nishca shimicunata cazushpami causarca.

1 REYES 11:38

Canpish ñucata servic David shinallatac ñuca tucui nishcacunata uyashpa, ñuca mandashcacunata cazushpa, ñuca ñaupapi allita ruhuashpa causacpica, ñucaca canhuanmi casha. Israel llactata mandanataca Davidpac huahua huahuacunaman cushca shinallatacmi can mandachun cusha. Cambac huahua huahuacuna huasha huasha mandanamantaca manatac anchuchishachu.

1 REYES 11:4

Salomón ña yuyac cacpimi, chai huarmicunaca shuctac dioscunata catichun paipac shunguta pandachirca. Paipac taita David tucui shunguhuan paita Mandac Diosta cazushca shinaca mana cazurcachu.

1 REYES 11:6

Shinami Salomonca Mandac Diospac ñaupapica mana allita ruhuarca. Paipac taita David Mandac Diosta catishca shinaca mana catircachu.

1 REYES 14:23

Shinallatac lomacunapi, pangasapa yura ucucunapi, ruhuashcalla dioscunapac huasicunata, Asera huarmi diosman ricchacunatapish ruhuarcacuna.

1 REYES 14:8

Davidpac huasi ucupuramanta mandanata quichushpami, canman curcani. Canca ñucata servic David shinaca mana canguichu. Davidca ñuca mandashcacunata pactachishpami, tucui shunguhuan ñucata cazushpa, ñuca ñaupapi allita ruhuashpa causarca.

1 REYES 15:11

Asaca paipac ñaupa taita David shinallatacmi, Mandac Diospac ñaupapi allita ruhuashpa causarca.

1 REYES 15:14

Ashtahuanpish lomapi tiyac altarcunataca mana anchuchircachu. Shina cashpapish, Asapac shunguca tucui causaipimi Mandac Dios-huan alli carca.

1 REYES 15:3

Abiamca pai manarac tiyacpi, paipac taita juchata ruhuashpa causashca shinallatacmi, juchata ruhuashpa causarca. Paica mana paipac ñaupa taita David shina, paita Mandac Diostaca tucui shunguhuan cazurcachu.

1 REYES 15:5

Davidca tucui paipac causaipimi alli ruhuashpa, ima mandashcacunatapish pactachishpa Mandac Diospac ñaupapi causarca. Paica heteopura Uriasta llaquichishpallami, Diostaca nanachirca.

1 REYES 22:43

Paica, paipac taita Asa shinallatacmi Mandac Diosmanta mana anchurishpa, imatapish cashcata ruhuashpa, Diospac ñaupapi causarca. Shina cashpapish, lomacunapi tiyac altarcunataca mana anchuchircachu. Shina cacpimi, gentecunaca animalcunata huañuchishpa, inciensota rupachishpa catircacuna.

1 REYES 22:44

Shinallatac Israel llactata jatun mandac-huan mana piñanacushpa causangapacmi Josafatca ari nirca.

1 REYES 3:14

Shinallatac ñucata mana saquishpa, ñuca quillcashca shimicunata ñuca mandashcacunata cambac taita David shina cazushpa causacpica, cambac causana punzhacunatapish yallichishami— nirca.

1 REYES 3:6

Shina nicpi, Salomonca: —Canca canta servic ñuca taita Davidtaca yallitami llaquircangui. Paica cambac ñaupapica cashcata ruhuashpa alli shunguhuanmi purirca. Chaimantami can yallita llaquishcataca paiman allichishpa charicushcangui. Chashna charishpami, pai mandashpa tiyacucpica, paipac churita churashcangui. Chaica cunan cai punzhami pactamushca.

1 REYES 8:25

Israelcunata Mandac Dioslla, cunanca canta servic ñuca taita Davidman cushami nishcataca pactachiyari. Canca: “Cambac huahua huahuacuna ñuca ñaupapi can causashca shina causashpa ñucata cazucpica Israel llactata mandangapac tiyarinapi tiyaric runaca mana illangachu” nishcami carcangui.

1 REYES 8:61

Cancunapac shunguca ñucanchicta Mandac Dios-huan alli cachun. Pai mandashcacunata, quillcashca shimicunata cunan punzhacaman pactachishca shinallatac pactachinguichic» nirca.

1 REYES 9:4

Cambac taita David causashca shinallatac alli causangui. Tucui shunguhuan ñucata cazushpa, tucuipac allita ruhuashpa, ñuca mandashcacunata pactachishpa, ñuca quillcachishcacunata, imata ruhuachun nishcacunata pactachishpa causangui.

2 REYES 12:3

Shina cashpapish, lomacunapi tiyac altarcunataca mana anchuchircachu. Gentecunaca chai altarcunapimi animalcunata cushpa huañuchishpa, inciensota cushnichishpa catirca.

2 REYES 12:4

Joasca curacunataca: «Mandac Diospac huasiman apamushca Diospaclla chicanyachishca cullquita, shinallatac cuna cashcamanta cushca cullquita, quiquin munaimanta Mandac Diospac huasiman apamushca cullquitapish tucui tandachinguichic.

2 REYES 14:3

Amasiasca Mandac Diospac ñaupapica allitami ruhuashpa causarca. Shina cashpapish mana paipac ñaupa taita David shina ruhuashpami paipac taita Joás ruhuashca shinallatac tucuita ruhuarca.

2 REYES 14:4

Chashna ruhuashpapish lomacunapi cac altarcunataca mana anchuchircachu. Chai altarcunapimi gentecunaca animalcunata cushpa, inciensotapish rupachishpa catirca.

2 REYES 15:35

Chashna ruhuashpapish lomacunapi tiyac altarcunataca mana anchuchircachu. Chai altarcunapimi gentecunaca animalcunata huañuchishpa, inciensotapish rupachishpa catirca. Paimi Mandac Diospac huasi jahua pungutaca allichirca.

2 REYES 15:4

Chashna cashpapish lomacunapi tiyac altarcunataca mana anchuchircachu. Chai altarcunapimi gentecunaca animalcunata huañuchishpa, inciensota rupachishpa catircacuna.

2 REYES 18:22

Cutin cancunaca: ‘Ñucanchicta Mandac Diospimi shunguta churanchic’ nishpaca ¿Ima nishpatac lomacunapi tiyac altarcunataca Ezequiasllatac anchuchirca? Chashna anchuchishpaca, ¿manachu Judá gentecunata, Jerusalenpi causaccunataca: ‘Jerusalenpi tiyac altar ñaupapi Diosta alli nina canguichic?’ nirca.

2 REYES 18:4

Paimi lomacunapi tiyac altarcunata anchuchishpa, imamanpish riccha dioscunata paquirca. Asera huarmi diosta yuyarina yuracunata pitishpami, Moisés ruhuachishca bronce culebratapish paquirca. Chai punzhacamanmi israelcunaca inciensota rupachishpa carcacuna. Chaimantami Nehustán nishpa shutichirca.

2 CRÓNICAS 15:17

Tucuita chashna ruhuashpapish, paipac tucui causaipi Diosta tucui shunguhuan cazushpa causashpapish, Israel llacta lomacunapi cac altartaca mana anchuchircachu.

SALMOS 145:20

Mandac Diosca tucui paita cuyaccunataca cuidanmi. Ashtahuanpish paita mana manchaccunataca tucuitami tucuchinga.

SALMOS 31:23

Mandac Diospaclla caccuna paita cuyaichic. Mandac Diosca paita cazuccunataca cuidanmi. Ashtahuanpish jatun tucushcacunataca yallihuanmi llaquichinga.

LEVÍTICO 17:5

Israelcunaca mana maipipish animalta huañuchinachu. Mandac Dios-huan tupana huasi yaicunaman apamushpami curaman cuna cana. Paimi ñucahuan alli tucungapac cuna animaltaca huañuchinga.

SAN MATEO 22:37

Shina nicpimi Jesusca: —“Canta Mandac Diosta tucui shunguhuan, tucui almahuan, tucui yuyaihuan cuyangui” ninmi.

SAN JUAN 14:15

Ñucata cuyashpaca, ñuca mandashcacunata cazunguichic.

SAN JUAN 14:21

Maijanpish ñuca mandashcacunata chasquishpa cazucmi ñucata cuyan. Ñucata cuyactaca Taitapish cuyanmi. Ñucapish cuyashpami Taitaman ricsichisha— nirca.

ROMANOS 8:28

Diosca, paita cuyaccunataca tucui ima ruhuanapipish allitami pushan. Paicunaca Dios munashcata ruhuangapac acllashcacunami.

1 CORINTIOS 8:3

Ashtahuanpish Diosta maijanpish cuyacca, Diospac ricsishcami can.

DEUTERONOMIO 10:12

Israelcunalla, ¿imatatac Mandac Diosca ruhuachun nin? Mandac Diosca paita manchashpa, pai munashca shina causachun, tucui shunguhuan, tucui almahuan, paillata cuyachun,

DEUTERONOMIO 10:13

cunan ñuca huillashca mandashcacunatapish, pactachinacunatapish, yachachishcatapish cazuchunmi munan.

DEUTERONOMIO 11:13

Cunan ñuca yachachishca cazushpa, Mandac Diosta tucui shunguhuan, tucui almahuan servishpa, paita cuyacpica,

DEUTERONOMIO 30:16

Mandac Diosta cuyachunmi chashnaca churani. Cunan ñuca huillashca mandashcacunatapish, pactachinacunatapish, yachachishcacunatapish cazunguichic. Chashna ruhuashpaca, huahuacunatapish achcata charishpami causanguichic. Mandac Diosca cancuna japishca llactapica tucui imapipish bendiciangami.

DEUTERONOMIO 30:20

Mandac Dios nishcata uyashpa, pai munashca shina causaichic. Ñaupa taita Abrahamman, Isaacman, Jacoboman cungapac ari nishca llactapi unaita causangapacmi chashna cazuna canguichic. Chashna cazushpami causaita charinguichic» nirca.

DEUTERONOMIO 30:6

Mandac Diosllatacmi paita tucui almahuan, tucui shunguhuan cuyachun, cancunapac shungutapish, cancunapac huahuacunapac shungutapish pitic shina ruhuanga. Chai shina paita cuyashpa, chai llactapi causachunmi chashnaca ruhuanga.

DEUTERONOMIO 6:5

Mandac Diostaca tucui shunguhuan, tucui yuyaihuan, tucui munaihuan cuyangui.

SANTIAGO 1:12

Imapish millai munaicuna shamucpi, chaita mishacca mai cushillami can. Chashna mishacmi Dios paita cuyaccunaman cusha nishca causaita cuc coronata japinga.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.

1 SAMUEL 9:12

Shina tapucpimi, chai solteracunaca: —Ari, utca richiclla, cancunata ñaupashpami ricun. Cunanca gentecuna animalta Diosman cushpa, lomapi huañuchina punzha cacpimi, paica ima ruhuana cashcata ruhuangapac puebloman shamushca, utca richiclla.