1 REYES 3:15 - Dios Rimashcata Quillcashcami

¹⁵ Salomón riccharishpaca, muscuilla cashcatami yuyarca. Chaimantami Jerusalenman cutishpa, Mandac Dios ari nishcata huacaichina Arca ñaupapi Diosman animalcunata cushpa, huañuchishpa tucui rupachirca. Dios-huan alli cangapacpish animalta cushpa huañuchircami. Chai quipaca jatun micuita ruhuashpami tucui paita serviccunaman cararca.

1 REYES 3:15 ပူးပေါင်းရင်းမြစ်များ

GÉNESIS 28:16

Jacobo riccharishpaca: «¡Mandac Diosca caipipish cashcamari! ¡Chaitaca mana yacharcanichu!» nishpami yuyarirca.

GÉNESIS 31:54

Chai quipami Jacoboca animalta urcupi huañuchishpa, paipac huasi ucupuracunaman carangapac cayarca. Tucui paicunami chaipi micushpa, chai tutaca pacarirca.

GÉNESIS 40:20

Quimsa punzha quipaca jatun mandac Faraonpac huacharishca punzha pactacpimi, jatun mandacca tucui paita serviccunaman jatun micuita caracurca. Chai serviccunapac ñaupapimi, vinota serviccunata mandacta, shinallatac tandata ruhuaccunata mandacta carcelmanta llucchimuchun cacharca.

GÉNESIS 41:7

Chai ñañuyashca trigo umacunaca caishuc canchis racu grano trigo umacunatami micushpa tucuchirca. Chai rato Faraón riccharishpaca muscuilla cashcatami yuyarca.

1 REYES 3:16

Chai punzhallatacmi cullquimanta huainayac ishcai huarmicunaca jatun mandac Salomonpacman shamurcacuna.

1 REYES 8:63

Mandac Dios-huan alli tucungapacmi Salonmanca ishcai chunga ishcai huaranga huagracunata, patsac ishcai chunga huaranga ovejacunata Diosman cushpa huañuchirca. Chashnami jatun mandacpish, tucui israelcunapish Mandac Diospac huasitaca Diosllamantac mingarcacuna.

1 REYES 8:65

Chai punzhacunapi Salomonca Mandac Diospac ñaupapica canchis punzhata jatun fiestata ruhuarca. Lebo-hamat puebloman yaicuna ladomantaca Egipto llacta jatun huaicu ladocunaman causacuc tucui israelcunandimi tandanacushpa, canchis punzhata fiestata ruhuarca. Chai quipapish canchis punzhatami fiestata ruhuarca. Tucui chunga chuscu punzhatami, fiestata ruhuarca.

1 CRÓNICAS 16:3

Chai quipaca tucui Israel caricunamanpish, huarmicunamanpish cada shucmanmi shuc tandata, asha aichata, shuc pasas tortata curca.

2 CRÓNICAS 7:5

Jatun mandacca ishcai chunga ishcai huaranga huagracunata, patsac ishcai chunga huaranga ovejacunatami Diosman cushpa huañuchirca. Chashnami jatun mandacpish, tucui israelcunapish Mandac Diospac huasitaca Diosllamantac cushpa mingarcacuna.

ESTER 1:3

Quimsa huatata mandacushpami paipac quipa mandaccunaman, paita serviccunaman shuc jatun micuita ruhuarca. Chaipica Persia llactamanta, Media llactamanta macanacuc sinchi runacuna, shuctac mandaccuna shinallatac, llactata mandaccunami paihuan carca.

JEREMÍAS 31:26

Riccharishpaca ñuca muscushca sumac cashcatami ricurcani.

DANIEL 5:1

Jatun mandac Belsasarmi pai churashca huaranga mandaccunaman shuc jatun micuita ruhuarca. Chashnami paica chai huaranga mandaccunapac ñaupapi vinota ubiacurca.

NÚMEROS 12:6

Mandac Diosca: «Cunanca, ñuca rimashcata uyaichic. Cancunapuramanta maijan shuc ñucamanta huillac tiyacpica, muscuipi shina ricurishpami parlasha.

MARCOS 6:21

Herodías munashca punzhami chayarca. Chaica, Herodesmi pai huacharishca huata pactacpi, fiestata ruhuashpa, llactata mandaccunatapish, soldadocunata mandaccunatapish, Galilea llactata pushaccunatapish jatun micuiman cayarca.