1 REYES 3:14 - Dios Rimashcata Quillcashcami

¹⁴ Shinallatac ñucata mana saquishpa, ñuca quillcashca shimicunata ñuca mandashcacunata cambac taita David shina cazushpa causacpica, cambac causana punzhacunatapish yallichishami— nirca.

1 REYES 3:14 ပူးပေါင်းရင်းမြစ်များ

1 REYES 11:34

Shina cacpipish, pai mandanataca mana tucuichu paipac maquimantaca quichusha. Ashtahuanpish ñuca acllashca ñucata servic Davidta cuyashcamantami, Salomontaca tucui paipac causaipi mandachun saquigrini. Davidca ñuca mandashcacunata pactachichun ñuca nishca shimicunata cazushpami causarca.

1 REYES 15:5

Davidca tucui paipac causaipimi alli ruhuashpa, ima mandashcacunatapish pactachishpa Mandac Diospac ñaupapi causarca. Paica heteopura Uriasta llaquichishpallami, Diostaca nanachirca.

1 REYES 3:3

Salomonca Mandac Diosta cuyarcami, paipac taita David yachachishcatapish cazushpami causarca. Shina cashpapish, lomacunapi tiyac altarcunapimi animalcunata Diosman cushpa huañuchic carca, shinallatac inciensotapish cushnichic carca.

1 REYES 3:6

Shina nicpi, Salomonca: —Canca canta servic ñuca taita Davidtaca yallitami llaquircangui. Paica cambac ñaupapica cashcata ruhuashpa alli shunguhuanmi purirca. Chaimantami can yallita llaquishcataca paiman allichishpa charicushcangui. Chashna charishpami, pai mandashpa tiyacucpica, paipac churita churashcangui. Chaica cunan cai punzhami pactamushca.

1 CRÓNICAS 28:7

Cunan punzhacaman cazushca shinallatac ñuca mandashcacunata, imata ruhuachun ñuca huillashcacunata cazucpica, huiñaicamanmi pai mandanataca mana anchuchisha” nirca.

1 CRÓNICAS 28:9

Salomón ñuca huahualla, cambac taitapac Diostaca ricsiyari. Paitaca alli shunguhuan, tucui munaihuan servishpa causaiyari. Mandac Diosca tucuipac shungutami ricucun. Imata ruhuanata yuyaricushcatapish tucuitami yachan. Can paita mashcashpaca taringuimi, ashtahuanpish paita can cungaricpica, paipish cantaca huiñaita cungaringa.

2 CRÓNICAS 29:2

Ezequiasca Mandac Diospac ñaupapica ñaupa taita David shinallatacmi allita ruhuashpa causarca.

2 CRÓNICAS 34:2

Paica ñaupa taita David shinallatacmi Mandac Diospac ñaupapica alli ladomanpish lluqui ladomanpish, mana ladoyashpa allita ruhuashpa causarca.

SALMOS 132:12

Paicuna ñucahuan ari nishcatapish, ima shina causanata ñuca yachachishcatapish pactachishpaca, huiñaitami can mandashpa tiyarinapica tiyaringa» nirca.

SALMOS 21:4

Causaita mañacpipish curcanguimi. Unaita causachunmi achca huatacunata curcangui.

SALMOS 21:5

Can mishachishpami paitaca jatunyachircangui. Tucuipac alli nishca cachunmi ruhuarcanguimi.

SALMOS 91:16

Paimanca unai huatacunatami causachun saquisha. Paita quishpichishpami cushichisha» nirca.

PROVERBIOS 3:16

Alli maquipica unai huata causanatami charicun. Cutin lluqui maquipica charic tucunata, alli nishca canatami charicun.

PROVERBIOS 3:2

Shina ruhuashpami unai punzhacunata, unai huatacunata cushilla causangui.

ZACARÍAS 3:7

«Tucuita Mandac Diosca: “Ñuca yachachishca shina causashpa, mandashcacunatapish punzhanta alli pactachishpaca, ñuca huasipi mandanguimi. Shinallatac ñuca huasi canzha pambatapish cuidangui. Chashna ruhuacpica, caipi shayacucpura shinatami cantaca ruhuasha.

HECHOS 13:22

Saulta llucchishpaca, Davidtami jatun mandac cachun churarca. Diosca Davidmanta rimashpaca: “Isaipac churi Davidllami ñuca ima nishcata ruhuashpa, ñuca munashca shina mandanga” nirca.

DEUTERONOMIO 25:15

Pezanatapish cashcata pezacta, medinatapish cashcata medicta charinguichic. Shina ruhuashpami, Mandac Dios cushca llactaman yaicushpaca, unaita causanguichic.

DEUTERONOMIO 5:16

Mandac Dios ñuca cushca llactapi unaita causangapac, chaipi alli causangapacca canta Mandac Dios ñuca mandashca shina cambac taita mamata cuyangui.

DEUTERONOMIO 5:33

Mandac Dios ima shina causachun nishca shina causanguichic. Chashna causashpami, Dios cushca llactata japishpaca, unaita, allita causanguichic.

1 TIMOTEO 4:8

Cuerpo sinchiyachun pucllanaca, ashacamanca allimi. Ashtahuanpish Dios-huan alli canami tucuimanta yalli allica. Cai causaipacpish, quipa causaipacpish allicunatami apamun.