1 REYES 3:12 - Dios Rimashcata Quillcashcami

¹² Riqui, cunanca can mañashca shinallatacmi ruhuasha. Riqui, alli entendic alli yuyaita charic shungutami canman curcani. Chashna alli yuyaita charic runaca cambac ñaupapish, mana tiyarcachu. Cambac quipapish, can shinaca mana tiyangachu.

1 REYES 3:12 ပူးပေါင်းရင်းမြစ်များ

1 REYES 2:6

Canca alli yachac shina ruhuashpa, yuyaccaman causashpa, sumacta Seolman richun, ama saquinguichu.

1 REYES 2:9

Ashtahuanpish cunanca ama saquinguichu. Canca alli yachac runami cangui. Ima shina paita llaquichinatapish, canllatac yachanguimi. Pai ña yuyacyashpa yurac accha tucucpica, huañuchishpa, yahuarta jichashpa Seolman cachangui» nirca.

1 REYES 3:28

Chai piñanacuita jatun mandac allichishcataca tucui israelcunami yacharca. Dios cushca alli yuyaihuan imatapish allichishcata yachac chayashpami Salomontaca tucui mashna cazurcacuna.

1 REYES 5:12

Mandac Diosca Salomonman nishca shinallatacmi alli yuyaita curca. Hiramhuan Salomonhuanca mana piñanacushpa alli causangapacmi ishcaita ari ninacurca.

1 REYES 5:9

Chai caspicunataca ñucata serviccunami Libanomanta mama cuchacaman apamunga. Chaimantaca can maiman cachai nicpipish, chai pushtumanmi mama cuchata balsapi cachasha. Chaiman chayacpica japinguilla. Shinallatac canpish, ñuca mañashca shinallatac ñuca familiacunaman micunata cachangui» nichunmi cacharca.

1 CRÓNICAS 29:25

Mandac Diosca tucui israelcunapac ñaupapimi Salomontaca yallita jatunyachirca. Ñaupa Israel llactata jatun mandaccunamanta ashtahuan sumac mandac cachunmi Salomonta churarca.

2 CRÓNICAS 2:12

«¡Israelcunata Mandac Diosca allimari cangui nishca cachun! Paimi jahua pachatapish, cai pachatapish ruhuarca. Mandac Diospac huasitapish, mandashpa tiyana huasitapish shayachichunca, paillatacmi alli yachac, alli yuyaita charic, alli entendishpa imatapish allita ruhuac churita, jatun mandac Davidman cushca.

NEHEMÍAS 13:26

Israel llactata jatun mandac Salomonca ¿Manachu chaillamantatac juchallirca? Paica shuctac llacta jatun mandaccunata atishpa ashtahuan alli mandacmi carca. Diosca cuyashpami, tucui israelcunata mandac cachun churarca. Chashna cacpipish, shuctac llacta huarmicunami paitaca juchata ruhuachirca.

SALMOS 10:17

Mandac Dioslla, yangalla runacuna mañashcataca uyashcanguimi. Paicuna mañashcata uyashpami, paicunapac shungutapish cushichingui.

PROVERBIOS 2:6

Mandac Diosmi alli yachaitaca cun. Paipac shimimi allita yachachin, allita entendichin.

ECLESIASTÉS 1:13

Ñucaca cai pachapi imata ruhuashcata allita entendingapacca tucui yuyaihuan callarishpami ricurcani. Dios cai pachapi causaccunaman cushca ruhuanacunaca yallita sinchimi.

ECLESIASTÉS 1:16

Chaimantami ñuca shungupica: «Jerusalenpi ñaupa causac tucui mandaccunata yalli yachac, shinallatac tucuipac jatunyachishcami cani. Ñucaca achcata yachac alli yuyaiyucmi cani» nircani.

ISAÍAS 65:24

Manarac cayacpimi, ñucaca uyasha. Paicuna rimaricucllapitacmi ñucaca uyasha.

DANIEL 1:17

Diosmi chai chuscu mosocunataca alli yachaita, tucuilaya quillcanata yachachirca. Danielca muscuipi shina ricurishcatapish, muscushcatapish alli yachacmi carca.

SAN MATEO 12:42

Sabá llactata jatun mandac huarmipish alli yachac Salomón ima nishcata uyangapacmi, caru llactamanta shamurca. Cunan ñucaca Salomontapish yallimi caipica cani. Chaimantami Dios taripana punzhapica, chai huarmipish cunan punzhapi causaccuna mana allita ruhuashcamantaca juchanchingapac jataringa.

SAN LUCAS 21:15

Ñucallatacmi cancunamanca rimana alli yuyaicunatapish cusha. Chashna allita rimacpica, cancunata piñaccunaca mana imata ni pudishpa, upalla saquiringallami.

DEUTERONOMIO 34:9

Nunpac churi Josueca Moisés maquita uma jahuapi churashcamantami alli yachac carca. Chaimantami israelcunaca Mandac Dios Moisesta mandashca shina Josué tucui nishcata cazurca.

COLOSENSES 2:3

Diosmanta sumac yachaicunatapish, alli yuyaicunatapish paillatacmi charicun.