1 REYES 3:1 - Dios Rimashcata Quillcashcami

¹ Jatun mandac Salomonca Egipto llactata jatun mandac Faraonpac ushihuan cazarashpami familiapura tucurca. Paica Faraonpac ushi paipac huarmitaca Davidpac pueblomanmi pushamurca. Salomonca pai mandashpa tiyana huasitapish, Mandac Diospac huasitapish, Jerusalén pueblo muyundi pircatapish ruhuangacamanmi chaipi charirca.

1 REYES 3:1 ပူးပေါင်းရင်းမြစ်များ

2 SAMUEL 5:7

Chashna nicucpipish, Davidca jatun torrehuan jarcashca Sión pueblotaca japircami. Chai puebloca Davidpac pueblomi.

1 REYES 11:1

Jatun mandac Salomonca Faraonpac ushihuan cazarashca jahuami shuctac llactamanta achca huarmicunata charirca. Chai huarmicunaca: Moabitacuna, amonitacuna, sidoniaspuramanta shinallatac heteopuramanta huarmicunapishmi carca.

1 REYES 2:10

David huañushpa, paipac taitacunahuan tandanacucpica, paipac pueblollapitacmi enterrarca.

1 REYES 6:1

Israelcunata Salomón chuscu huatata mandacui huatami israelcuna Egipto llactamanta llucshimushcaca chuscu patsac pusac chunga huata tucurca. Chai huatapac Zif shuti quillapimi Mandac Diospac huasita shayachinata callarirca.

1 REYES 7:1

Chai quipami Salomonca pai causana huasita shayachirca. Chai huasitaca chunga quimsa huatapimi tucui tucuchirca.

1 REYES 7:8

Pai causana huasitapish chaishuc huasi pungu pamba huasha ladomanmi chai shinallatac ruhuana. Faraonpac ushi Salomonpac huarmimanpish corredorpi cac ucu shinallatacmi shuc huasita shayachirca.

1 REYES 9:1

Salomonca Mandac Diospac huasitapish, pai mandashpa tiyana huasitapish, tucui imata ruhuangapac yuyaricushcatapish tucuimi tucuchirca.

1 REYES 9:10

Ishcai chunga huatapimi Salomonca Mandac Diospac huasitapish, mandashpa tiyana huasitapish ruhuashpa tucuchirca.

1 REYES 9:24

Faraonpac ushipish, Davidpac pueblomanta huichai rishpami, Salomón paiman ruhuashpa cushca huasipi causagrirca. Chai quipami Salomonca Milo nishca pushtutapish ruhuarca.

1 CRÓNICAS 11:7

Chai quipami Davidca muyundita pircashca pueblopi causagrirca. Chaimantami Davidpac Pueblo nincuna.

2 CRÓNICAS 18:1

Josafatca yalli chayuc, tucuipac alli nishca, shinallatac Acabpac familiami tucurca.

2 CRÓNICAS 8:11

Salomonca Faraonpac ushitaca Davidpac pueblomantami pai ruhuashca huasipi causachun pusharca. Paica: «Ñuca huarmica israelcunata jatun mandac Davidpac huasipica mana causangachu. Mandac Diospac Arcata churashca ucucunaca jucha illac cashcamantami chaipica mana causanga» nirca.

ESDRAS 5:11

Shina tapucpimi paicunaca: “Ñucanchicca jahua pachata, cai pachata ruhuac Diosta serviccunami canchic. Ñucanchicca tigrachishca huasitami cutin shayachicunchic. Cai huasitaca israelcunata jatun mandacmi ñaupa huatacunapi shayachishca carca.

ESDRAS 9:14

¿Chashna cashca jahuachu can mandashcacunata mana cazushpa, millanayai juchacunata ruhuashpa causaccunahuan tandanacushpa causashun? Chashna ruhuacpica, ¿manachu yallita piñashpa, cai ashalla saquirishca ñucanchictaca shucllatapish mana saquishpa tucui tucuchingui?

DEUTERONOMIO 23:8

Paicunaca quimsaniqui miraicamanmi Mandac Diospac tandanacuimanca mana yaicunga.