1 REYES 22:48 - Dios Rimashcata Quillcashcami

⁴⁸ Josafatca Tarsis llacta jatun barcocuna shinatacmi Ufir llactamanta curita apamungapac jatun barcocunata ruhuarca. Shina cacpipish, chai barcocunaca mana rircachu. Ashtahuanpish Ezión-geber llactapimi paquirishpa tucurirca.

1 REYES 22:48 ပူးပေါင်းရင်းမြစ်များ

GÉNESIS 27:37

Shina nicpimi, Isaacca Esautaca: —Paitaca cambac amo cachunmi churarcani. Cambac tucui huauquicunatapish, paita servichunmi churarcani. Shinallatac achca trigotapish, achca vinotapish curcanimi. Ñuca huahualla, cunanca, ¿imatatac cushayari?— nirca.

2 SAMUEL 8:14

Chashna atishpami, Edom llacta tucui pueblocunapi cuidac soldadocunata churacpi, edomitacunaca Davidta serviccuna tucurca. David maiman ricpipish, Mandac Diosca paita mishachircami.

1 REYES 10:22

Jatun mandac Salomonca Tarsis pueblomanta paipac jatun barcocunatami Hiram runapac barcocunahuan mama cuchapi charirca. Chai barcocunapica Tarsis pueblomantami curita, cullquita, marfilta, monocunata, pavo realcunata cada quimsa huatapi shuc cutin apamuc carca.

1 REYES 22:49

Shina cacpimi, Acabpac churi Ucoziasca Josafattaca: «Ñucata serviccuna cambac serviccunahuan barcopi richun» nirca. Shina nicpipich, Josafatca mana uyarcachu.

1 REYES 9:26

Jatun mandac Salomonca jatun barcocunatapish ruhuarcami. Chai barcocunataca Elot pueblo ladollapi tiyac Ezión-geber ladollapimi ruhuarca. Chai pueblocunaca Edom llacta ladollapi tiyac puca cucha patapimi.

1 REYES 9:28

Paicunami Ofir llactaman rishpa, chuscu patsac ishcai chunga talento curita apamushpa, jatun mandac Salomonman curcacuna.

2 REYES 3:9

Israel llactata jatun mandacpish, Judá llactata jatun mandacpish, Edom llactata jatun mandacpish rishpaca, canchis punzhatami shitashca pambata muyushpa rirca. Chaimantami yacuca soldadocunamanpish, caballocunamanpish ña tucurirca.

2 REYES 8:20

Joram mandacui punzhacunami Edom llactapi causaccunaca Judá llacta mandaccunata mana cazushpa, shuc jatun mandacta mandachun churarca.

2 CRÓNICAS 20:21

Chai gentecunata tapushca quipami Josafatca shuccunataca macanacuc soldadocunapac ñaupata sumaimana Mandac Diosta alli nishpa: «Mandac Diostaca jatunyachichic, paica huiñaita cuyacmari» nishpa cantashpa richun churarca.

2 CRÓNICAS 25:7

Ashtahuanpish Diospaclla cac shuc runa paipacman shamushpaca: —Mandac Diosca israelcunamantapish, Efraín aillucunamantapish anchurishcami. Shina cashcamanta jatun mandaclla, Israel soldadocunahuanca ama richu.

2 CRÓNICAS 9:21

Jatun mandac Salomonpac jatun barcocunaca Hiramta serviccunahuan, Tarsis llactaman rishpami, chai barcocunapi curita, cullquita, marfilta, monocunata, pavo realcunata cada quimsa huatapi shuc cutin apamuc carca.

SALMOS 45:9

Cambac huasipi tiyaccunapurapica jatun mandaccunapac ushicunami tiyacun. Cambac alli lado maquimanca jatun mandac huarmimi Ofir llacta curi churanahuan tiyacun.

SALMOS 48:7

Canca inti llucshina ladomanta huairata cachashpami, Tarsis llacta barcocunata paquircangui.

ISAÍAS 2:16

Tarsis llactamanta jatun barcocunata, sumacta pintashca barcocunatapish llaquichina punzhami chayamugrin.

ISAÍAS 60:9

Mama cucha patapi causaccunaca ñucatami shuyanga. Utca pachamanta Tarsis llactapi tiyac jatun barcocunapish cambac huahuacunatami paicunapac cullquindi, curindi caru llactamanta pushamunga. Israelcunapac jucha illac Mandac Diospac shutita jatunyachingapacmi pushamunga. Pai Diosmi sumaimanata ruhuarca.

JONÁS 1:3

Shina nicpimi, Jonasca Mandac Diospac ñaupamanta miticushpa, Tarsisman ringapac jatarirca. Shinami Jope llactaman urai rishpa, Tarsis puebloman ric barcota japishpa, pasajeta randishpa, chai barcopi riccunahuan ringapac yaicurca. Paica Mandac Diospacmanta miticushpa ringapacmi barcopi tiyarirca.