1 REYES 22:44 - Dios Rimashcata Quillcashcami

⁴⁴ Shinallatac Israel llactata jatun mandac-huan mana piñanacushpa causangapacmi Josafatca ari nirca.

1 REYES 22:44 ပူးပေါင်းရင်းမြစ်များ

1 REYES 22:2

Ashtahuanpish quimsa huata tucucpimi, Judá llactata jatun mandac Josafatca Israel llactata jatun mandacta ricungapac rirca.

1 REYES 3:2

Mandac Diosta yuyaringapac ruhuashca huasica manarac tiyarcachu. Chaimantami gentecunaca chai huatacunacaman lomacunapi tiyac altarcunapi animalcunata Diosman cushpa huañuchiccuna carca.

1 REYES 3:3

Salomonca Mandac Diosta cuyarcami, paipac taita David yachachishcatapish cazushpami causarca. Shina cashpapish, lomacunapi tiyac altarcunapimi animalcunata Diosman cushpa huañuchic carca, shinallatac inciensotapish cushnichic carca.

2 REYES 8:16

Acabpac churi Joram Israel llactata pichca huatata mandacucpimi, Judá llactata jatun mandac Josafatpac churi Joramca Judá llactata mandai callarirca.

2 REYES 8:18

Paica Israel llactata jatun mandaccuna, Acabpac huasi ucupura shinallatacmi mana allita ruhuashpa causarca. Paipac huarmica Acabpac ushimi carca. Chashnami Mandac Diospac ñaupapi mana allita ruhuarca.

2 CRÓNICAS 19:2

Pai chayacpica, Dios ricuchishcata huillac Hananipac churi Jehumi tupangapac llucshirca. Paica jatun mandac Josafattaca: —Canca Diosta mana manchac runatami ayudangapac rishcangui. Mandac Diosta piñac runahuanmi apanacushcangui. Chaimantami Mandac Diosca canhuan piñarishca.

2 CRÓNICAS 21:6

Israel llactata jatun mandac Acabpac huahua huahua mandaccuna shinallatacmi mana allita ruhuarca. Acabpac ushihuan cazarashcamantami, Mandac Diospac ñaupapi mana allita ruhuashpa causarca.

ISAÍAS 65:7

paicuna mana allita ruhuashcamantapish, cancunapac taitacuna mana allita ruhuashcamantapish llaquichigrini. Paicunaca urcucunapi, lomacunapi inciensota cushnichishpami, ñucataca yallita piñachirca. Chaimantami ñaupa huatacuna imata ruhuashcamantapish paicuna imata ruhuashca shina llaquichisha» ninmi.

2 CORINTIOS 6:14

Mana criccunahuanca yugoshca shinaca, ama tandanacuichicchu. Cashcata ruhuacca mana allita ruhuac-huanca, ¡maitatac apanacungayari! Luzpish amsahuanca, ¡maitatac tandanacungayari!