1 REYES 22:31 - Dios Rimashcata Quillcashcami

³¹ Shina cacpimi, Siria llactata jatun mandacca macanacuna carretapi puric soldadocunata mandac quimsa chunga ishcai soldadocunataca: «Cancunaca uchillahuanpish, jatunhuanpish ama macanacunguichicchu. Ashtahuanpish Israel llactata jatun mandacllahuan macanacunguichic» nirca.

1 REYES 22:31 ပူးပေါင်းရင်းမြစ်များ

GÉNESIS 19:11

Huasi pungupi cac gentecunataca huambracunamanta callarishpa, yuyaccunacamanmi mana ricucta ruhuarca. Chaimantami chai gentecunaca punguta mashcacushpalla shaicurcacuna.

2 SAMUEL 17:2

Paitaca shaicushca, mana micushca cacpimi, japishpa manchachisha. Shina paita manchachicpimi, paihuan cac gentecunaca miticushpa callpanga. Chashna callpacpimi, jatun mandactaca huañuchisha.

1 REYES 20:1

Siria llactata jatun mandac Ben-adadca tucui paipac soldadocunata tandachishpami, quimsa chunga ishcai jatun mandaccunata paicunapac caballocunandi, carretacunandi tandachirca. Chashna tandachishpaca, Samaria puebloman huichai rishpami, chai pueblopi causaccunahuan macanacungapac muyushpa shayarirca.

1 REYES 20:16

Chaupi punzhatami paicunaca macanacuiman llucshirca. Ben-adadca paita ayudangapac shamushca quimsa chunga ishcai jatun mandaccunahuanmi carpa huasicunapi ubiashpa, machashca carca.

1 REYES 20:24

Cunanca, jatun mandaccunata paicuna mandacushcamanta llucchishpa, shuctac mandaccunata churai.

1 REYES 22:32

Carretapi cac soldadocunata mandac Josafatta ricushpaca: «¡Chaimi israelcunata jatun mandac!» nirca. Chashna nishpaca, paita macangapacmi cuchuyarca. Shina cuchuyacpimi, Josafatca caparirca.

2 CRÓNICAS 18:30

Siria llactata jatun mandacca macanacuna carretacunapi ric paipac soldadocunata mandaccunataca: «Jatunhuanpish, uchillahuanpish ama macanacunguichicchu, Israel llactata jatun mandacllahuan macanacunguichic» nirca.

JEREMÍAS 16:6

Cai llactapica uchillacunapish, jatuncunapish huañungami. Paicunamantaca pipish mana huacangachu, mana enterrangachu. Shinallatac pipish churanata lliquirishpa, acchata pitirishpa mana llaquiringachu.

1 SAMUEL 30:2

Paicunaca huarmicunatapish, tucui chaipi causaccunatapish, huahuacunamanta pacha callarishpami, yuyaccaman prezushpa aparca. Shina apashpapish shucllatapish mana huañuchircacunachu.