1 REYES 22:14 - Dios Rimashcata Quillcashcami

¹⁴ Shina nicpipish Micaiasca: —¡Mandac Diospac shutipimi nini: Ñucaca pai ima nishcatami huillasha!— nirca.

1 REYES 22:14 ပူးပေါင်းရင်းမြစ်များ

1 REYES 17:1

Eliasca Galaad llacta tisbitapuramantami carca. Paica mandac Acabtaca: «¡Israelcunata Mandac Diospac shutipimi nini: Ñucaca paitami servini! ¡Cai huatacunaca mana tamyangachu paramollapish mana tiyangachu! ¡Ashtahuanpish ñuca mandacllapimi tamyanga!» nirca.

1 REYES 18:10

¡Canta Mandac Diospac shutipimi nini: Tucui llactacunaman, tucui mandaccunapacmanmi ñucata mandac Acabca canta mashcachun cacharca! Paicunaca: “Eliasca mana caipichu” nircami. Shina nicpipish, tucui chai mandaccunatapish, llactacunapi causaccunatapish canta mana ricushcataca cutinpish, cutinpish allimi huillachic carca.

1 REYES 18:15

Shina nicpimi Eliasca: —¡Tucuita Mandac Diospac shutipimi nini: Ñucaca paitami servini. Cunanmi Acabpac ñaupapi ricurigrini!— nirca.

1 REYES 22:13

Micaiasta cayangapac ric runaca: —Riqui, tucui huillaccunami jatun mandacman alli canata shuclla shina huillacuncuna. Chaimanta canpish paicuna shinallatac alli canata huillaiyari— nirca.

JEREMÍAS 23:28

Huillac runaca pai muscushcata parlachun. Ñuca rimashcata chasquicca mana llullashpa huillachun. Cupahuan trigohuanca mana chashnallatacchu.

JEREMÍAS 34:6

Dios ima nishcata huillac Jeremiasca Jerusalenpimi Judá llactata jatun mandac Sedequiasmanca tucui caicunata huillarca.

JEREMÍAS 42:4

Shina nicpimi, Dios ima nishcata huillac Jeremiasca: —Allimi. Cancuna mañashca shina, Mandac Diosta mañagrinimi. Mandac Dios tucui imata nishcataca mana pacashpami cancunaman huillasha— nirca.

NÚMEROS 22:18

Shina nicpimi, Balaamca Balacta serviccunataca: —Mandac Balac mandana huasi junda curita, cullquita cucpipish ñucata Mandac Dios ama ruhuachun nishcataca ashalla cacpipish, achca cacpipish mana ruhuashachu.

NÚMEROS 22:38

Shina nicpimi, Balaamca Balactaca: —Ña cambacman shamucunimi. Shina cashpapish ñucaca, ñuca Dios mana rimachicpica, imata mana rimashachu— nirca.

NÚMEROS 22:8

Shina nicpimi Balaamca: —Cunan tutaca caillapi pacarichic. Ñucaca Mandac Dios imata nishcatami cancunamanca huillasha— nirca. Shina nicpimi, Moab llactata pushaccunaca Balaampac huasipi pacarirca.

NÚMEROS 24:13

“Balac paipac jatun huasi junda curita, cullquita cucpipish, Mandac Dios ama ruhuachun nishcataca mana ruhuashachu. Allitapish, mana allitapish, imatapish ñuca munaimantaca mana ruhuashachu, ashtahuanpish Mandac Dios nishcallatami ruhuasha” nircani?

2 CORINTIOS 2:17

Ñucanchicca mana caishuccuna shina imata japingaraiculla Diosmanta alli huillaitaca chagrushpa huillacunchicchu, ashtahuanpish mana llullashpami Diospac ñaupapi paillatac cachashcacuna cashcamanta, Cristomantaca huillacunchic.

2 CORINTIOS 4:2

Pacallapi pinganayai ruhuanacunata saquishpami, pitapish mana umashpa, Dios rimashca shimitaca mana chagrushpa huillacunchic. Dios rimashca mana llulla cashcata ricuchishpami, Diospac ñaupapi tucui mashna ñucanchic allita ruhuac cashcata ricuchun rimanchic.

GÁLATAS 1:10

Chashna nishpaca gentecunalla alli nichunca mana munanichu, ashtahuanpish Dios alli nishca canatami munani. Gentecunalla ñucata alli nichun nishpaca, ña mana Cristopacta ruhuacchu caiman.