1 REYES 21:21 - Dios Rimashcata Quillcashcami

²¹ Mandac Diosca: “Riqui, cunanmi jatun llaquita canman apamugrini. Cambac huahua huahuacunataca pichac shinami tucui tucuchisha. Cambac huahua huahuapurataca shucllatapish mana saquishpami, Israel llactapica servishpa causaccuna cacpi, mana servishpa causaccuna cacpipish tucui tucuchisha.

1 REYES 21:21 ပူးပေါင်းရင်းမြစ်များ

1 REYES 14:10

Chaimantami Jeroboampac huahua huahuamanca jatun llaquita cachagrini. Jeroboampac huahua huahuacunataca servic cachun mana servic cachun tucui caricunatami israelcunapuramantaca tucuchisha. Jeroboampac huahua huahuacunataca mapata pichac shinami tucuita chingachisha.

1 REYES 15:30

Jeroboamca juchacunata ruhuashpami israelcunatapish chai juchallatatac ruhuachishpa Dios-huan piñanacuipi churarca. Chaimantami Mandac Diosca chai shinallatac ruhuarca.

1 REYES 16:3

Chaimantami Baasatapish, paipac familiatapish Nabatpac churi Jeroboampac familiatapish tucui chingachigrini.

2 REYES 10:17

Jehú Samaria puebloman chayashpaca, Mandac Dios Eliasman huillashca shinami, chai pueblopi saquirishca Acabpac huasi ucupuracunataca tucui huañuchirca.

2 REYES 10:30

Chaimantami Mandac Diosca Jehutaca: «Chashna huañuchishpa ñuca ñaupapi tucuchishpaca allitami ruhuashcangui. Acabpac huasi ucupuracunataca ñuca shungupi yuyashca shinami ruhuashcangui. Chaimantami cambac huahua huahuacunaca chuscu miraicaman Israel llactata mandangapac tiyaringacuna» nirca.

2 REYES 14:26

Mandac Diosca israelcuna yalli llaquita causacuctami ricurca. Paicunata ayudangapacca servishpa causacpish, mana servishpa causacpish pipish mana tiyarcachu.

2 REYES 21:13

Jerusalenpi causaccunataca Samaria pueblopi causaccunata llaquichishca shinallatacmi chai cordel-llahuantac llaquichisha. Acabpac huasi ucupurata llaquichishca plomadallahuantacmi llaquichisha. Jerusalentaca platota jahuashpa puctic shinami saquisha.

ISAÍAS 3:11

¡Aij, Diosta mana manchac runalla! Yalli llaquimi tucunga. Paicunapac maquihuan mana allita ruhuashca shinallatacmi mana allita japinga.

DEUTERONOMIO 32:36

Mandac Diosca pai acllashcacunataca cashcata ruhuashpami taripanga. Paita serviccunata llaquingami. Ña fuerza illac cacpi, pipish mana saquiricpi, prezucunapish, mana prezucunapish mana saquiricpi llaquingami.

1 SAMUEL 25:22

Shina cashcamanta paipac huasi ucupurata caya tutamantacaman tucui caricunata ñuca mana huañuchicpica, ¡chaimantapish yallita Dios ñucata llaquichichun!» nirca.

1 SAMUEL 25:34

¡Israelcunata Mandac Diospac shutipimi nini: Paimi canta llaquichinamantaca jarcashca! Ñucahuan tupangapac can mana utca shamushca cacpica, caya punzhapacca Nabalpac runacunataca shucllapish mana saquirinmanchu carca— nirca.