1 REYES 21:2 - Dios Rimashcata Quillcashcami

² Chaimantami Acabca Nabottaca: —Cambac uvas chagrahuan cac allpata huertata ruhuangapac ñucaman cui. Ñuca huasi ladollapi cashcamantami cashna nini. Chai allpamantaca uvas tarpushca ashtahuan alli allpatami cusha. Mana cashpaca, cambac ashtahuan alli cana cacpica, mashna valishcata pagashallami— nirca.

1 REYES 21:2 ပူးပေါင်းရင်းမြစ်များ

GÉNESIS 16:6

Shina nicpi, Abramca Saraitaca: —Riqui, canta servic huarmica cambac maquillapitacmi. Can imata ruhuasha nishpaca, cambac allipac ruhuailla— nirca. Agarca Sarai sinchita llaquichicpimi, paipac ñaupamanta miticushpa rirca.

GÉNESIS 3:6

Shina nicpimi, huarmica chai yurapi cac murutaca micungapac alli cacta, sumaimana ricunalla cacta, shinallatac yachac cangapacpish alli cacta ricurca. Chaimantami chai yuramanta japirca, micurca, cusamanpish cucpi, paipish micurca.

1 REYES 21:3

Shina nicpimi, Nabotca Acabtaca: —¡Ñuca taitacuna saquishca allpata canman cunataca Diospish ama munachun!— nirca.

1 REYES 21:6

Shina nicpimi paica: —Jezreel pueblopi causac Nabothuan parlashpami ñucaca: “Uvas chagra allpata ñucaman cui. Chai allpamantaca cullquita, mana cashpaca canman ashtahuan alli cana cacpica uvas tarpushcata shuctac allpata cushallami” nircani. Shina nicpimi paica: “Uvas chagrahuan cai allpataca mana cushachu” nircami— nirca.

2 REYES 9:27

Chaita ricushpami, Judá llactata jatun mandac Ocoziasca huerta chaupipi tiyac huasiman rina ñanta miticushpa callparca. Chashna callpacpimi Jehuca: «¡Paitapish huañuchi!» nishpa catirca. Chaimantami Ibleam pueblo ladollapi tiyac Gur huichaita carretapi callpacucpi chugrichirca. Ocoziasca Miguido pueblomanmi miticushpa callparca. Ashtahuanpish chaipimi huañurca.

ÉXODO 20:17

Ama shucpac huasita munangui. Shucpac huarmitapish, servicpac huarmitapish, canta servic huarmitapish, shucpac huagratapish, shucpac burrotapish, ima shuctac charishcatapish ama munangui» nishpami mandarca.

ECLESIASTÉS 2:5

Huertacunatapish, jardincunatapish ruhuarcani. Granota pucuc yuracunatapish tarpurcani.

CANTARES 4:15

¡Huertapi tucyacuc yacu shina, Libanomanta shamushpa, jundumanta llucshicuc yacu shinami cangui!

JEREMÍAS 22:17

Shina cacpipish, cambac ñahuipish, cambac shungupish shuccunata llaquichishpa, yallita chayucyanallatami munan. Shinallatac mana faltayuc runata yahuarta jichanallata, llaquichinallata, millaita ruhuanallatami munan. Chaitaca Mandac Dios ñucami nini» ninmi.

SAN LUCAS 12:15

Chaimantami Jesusca: —Charishcacunaca mana causaita cunchu. Chaimanta ama misa tucushpa, ashtahuan chayucyana yuyailla canguichicchu— nirca.

DEUTERONOMIO 11:10

Cancuna japigricushca llactaca mana cancuna llucshimushca Egipto llacta shinachu. Chaipi tarpushpaca shuc huertata parcuc shinami chaquihuan aisashpa parcuc carcanguichic.

DEUTERONOMIO 5:21

Ama shucpac huarmita munanguichu. Shinallatac shucpac huasita, chagrata, servic carita, servic huarmita, huagrata, burrota, imatapish ama munanguichu” nircami.

1 TIMOTEO 6:9

Ashtahuanpish charina yuyaihuan cacpimi, millai munaicunaca muspachishpa, tucllapi urmachic shina gentecunataca llaquiman apashpa chingachin.

1 SAMUEL 29:6

Shina nicpimi, Aquisca Davidta cayashpaca: —¡Mandac Diospac shutipimi nini: Canca cashcata ruhuacmi cangui! Maiman rishpapish, cutimushpapish allita ruhuashpami ñuca carpa huasipica causacungui. Ñucapacman shamushca punzhamanta pacha, cunancaman ima mana allita ruhuactapish cantaca mana ricushcanichu. Ashtahuanpish caishuc mandaccunapac ñaupapimi mana alli ricuringui.

1 SAMUEL 8:14

Shinallatac cancunapac ashtahuan alli uvascunata pucuc, alli olivos yuracuna pucuc allpacunata quichushpami paita serviccunaman cunga.

1 SAMUEL 8:6

Paicuna: «Ñucanchicpac juez cachun shuc jatun mandacta churaiyari» nishpa mañacpimi, Samuelca yallita llaquirirca. Chaimantami Samuelca Mandac Diosta mañarca.