1 REYES 21:14 - Dios Rimashcata Quillcashcami

¹⁴ Chai quipaca: «Nabotta rumicunahuan shitashpami huañuchirca» nishpa, Jezabelman huillachun cacharcacuna.

1 REYES 21:14 ပူးပေါင်းရင်းမြစ်များ

1 REYES 21:13

Chaipi tiyacucpimi, chai millai ishcai runacuna shamushpa, paipac ñaupapi tiyarircacuna. Chai millai jatun runacunami Nabottaca: «Nabotca Diostapish, jatun mandactapish mana alli nishpami rimarca» nishpa juchanchishpa huillarcacuna. Shina huillacpimi, pueblomanta llucchishpa, rumicunahuan shitashpa huañuchirca.

1 REYES 21:15

Nabotta rumicunahuan shitashpa huañuchishcata Jezabel yachashpami Acabtaca: «Jezreel pueblopi cac Nabotpac uvas chagrataca jatarishpa japigri. Chai allpataca cullquipipish mana catunata munarcachu. Nabotca mana causacunchu, ñami huañushca» nirca.

2 REYES 10:8

Chaimantami shuc huillac chayashpaca: —Jatun mandacpac churicunapac umacunataca ñami apamushca— nishpa huillarca. Shina nicpimi Jehuca: —Pueblo yaicunapi ishcai montonta ruhuashpa, cayacaman churaichic— nirca.

ECLESIASTÉS 5:8

Maijan llactapi huacchacunata llaquichicucta, paicunaman cuna cashcata mana cushpa, mana allita ruhuacucta ricushpaca, ama mancharinguichu. Shuc mandactaca paita yalli mandacmi ricucun. Shinallatac chai mandacta ashtahuan yalli jatun mandacpish tiyanmi.

ECLESIASTÉS 8:14

Cai pachapica shuctac yanga ruhuaicunapish tiyanmi. Cashcata ruhuaccunaca Diosta mana manchaccuna shinallatacmi llaqui tucuncuna. Diosta mana manchaccunaca cashcata ruhuaccuna shinami alli causancuna. Chaicunapish yangami ninimi.