1 REYES 21:13 - Dios Rimashcata Quillcashcami

¹³ Chaipi tiyacucpimi, chai millai ishcai runacuna shamushpa, paipac ñaupapi tiyarircacuna. Chai millai jatun runacunami Nabottaca: «Nabotca Diostapish, jatun mandactapish mana alli nishpami rimarca» nishpa juchanchishpa huillarcacuna. Shina huillacpimi, pueblomanta llucchishpa, rumicunahuan shitashpa huañuchirca.

1 REYES 21:13 ပူးပေါင်းရင်းမြစ်များ

1 REYES 21:14

Chai quipaca: «Nabotta rumicunahuan shitashpami huañuchirca» nishpa, Jezabelman huillachun cacharcacuna.

2 REYES 6:32

Jatun mandac shuc runata Eliseopacman cachacpica, paica paipac huasipimi yuyac runacunahuan carca. Ashtahuanpish, huillangapac shamuc runa manarac chayamucpimi, Eliseoca yuyac runacunataca: —Huañuchic runaca ñuca umata pitichunmi cachashca. Chai huillangapac shamuc runa shamucpica, punguta huichcashpa, ama yaicuchinguichu. Paipac amopish paipac huashatami sarushca uyarishpa shamucun— nirca.

2 REYES 9:26

“Mandac Dios ñucami Nabotpac yahuartapish, paipac churicunapac yahuartapish caina ricurcani. Chaimanta chai pushtullapitacmi paitapish chashnallatac ruhuasha” nirca. Cunanca Mandac Dios huillashca shinallatac Joramta japishpa, Nabotpac pambapi shitagri» nirca.

2 CRÓNICAS 24:21

Ashtahuanpish paitaca pacalla llaquichinatami yuyarinacurca. Paicunaca jatun mandac mandacpimi, Mandac Diospac huasi pungu pambapi Zacariastaca rumicunahuan shitashpa huañuchirca.

JOB 1:11

Ashtahuanpish cambac maquihuan tuparishpa, pai ima charishcacunata quichui. Shina ruhuacpica, cantaca cambac ñaupallapitacmi mana alli nishpa rimanga— nirca.

JOB 1:5

Chai jatun micui punzhacuna tucuricpica, Jobca paipac huahuacunatami cayac carca. Paica Diospaclla tucuchunmi tutamanta utca jatarishpa, cada shucmanta Diosman animalcunata cushpa huañuchishpa, tucui rupachic carca. Jobca: «Ñuca huahuacunaca juchallishpa, Diostapish llaquichishpa paicunapac shungupi mana allita rimarcapishchari» yuyashpami, jatun micui punzhacuna tucurishca quipaca, chashna ruhuac carca.

JOB 2:9

Chashna cacpimi, paipac huarmica: —¿Cunancamanchu Diosta cazushpa catingui? ¡Diosta mana alli nishpa rimashpa huañui!— nirca.

JOB 31:39

mana pagashpa chaipi ima pucushcacunata micushca cacpi, chai allpayucta shungupi llaquichishca cacpica,

SALMOS 27:12

Millaita yuyaccunaca llullashpa, yanga juchanchingapacmi jatarishcacuna. Chaimanta ñucata piñaccuna paicuna munashcata ruhuachunca ama paicunapac maquipi churaichu.

SALMOS 35:11

Ñuca manapish yachashcata tapungapacmi llullashpa juchanchic runacuna jatarincuna.

ÉXODO 20:16

Ama yanga pitapish juchanchishpa llaquichingui.

PROVERBIOS 19:28

Llullashpa huillac runaca llaquichicucpica burlashpami asin. Diosta mana manchac runaca mana allicunatami rimarin.

PROVERBIOS 19:5

Llullashpa huillac runaca llaqui tucungatacmi. Llullashpa puric runaca miticushpa mana ati pudingachu.

PROVERBIOS 19:9

Llullashpa huillac runaca llaqui tucungami. Llullashpa puric runaca chingaringami.

PROVERBIOS 25:18

Maijanta yanga juchanchishpa huillac runaca martillo, espada, flecha shinami.

PROVERBIOS 6:19

manapish yachashpa llullashpa huillacta shinallatac huauquindipura piñanacuipi churactami yallita piñan.

ECLESIASTÉS 10:20

Jatun mandactaca yuyaillapipish ama maldiciaichu. Charic runatapish pacalla sueñuna ucupi ama maldiciaichu. Huirata ric alasyuc animalcunami chai rimashcata apashpa huillagringacuna.

ECLESIASTÉS 4:1

Tigrarishpa ricushpaca cai pachapi tucuita ruhuashpa, yallita llaquichicuctami ricurcani. Llaquihuan huacacucpipish pi mana cushichircachu. Poderta chariccunapish llaquichiccuna parte carca. Cushichiccunaca shucllapish mana tiyarcachu.

ISAÍAS 8:21

Paicunaca yallita shaicushpa, yarcaihuanmi cai pachapica puringa. Chashna yarcaihuan cashcamanta piñarishpami, huichaita ricushpa, paicunata jatun mandactapish, paicunapac Diostapish mana alli ninga.

AMÓS 7:10

Chaimantami Bet-elpi causac Amasías curaca israelcunata jatun mandac Jeroboamman huillachun cachashpaca: «Amosmi israelcunapac chaupipi canta piñashpa jatarishca. ¡Pai huillashcataca cai llactapi causaccunaca ña mana ashtahuan uyasha ninchu!

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

SAN MATEO 9:3

Chaita maijan mandashcacunata yachachiccuna uyashpaca: —Caica Dios tucushpami, Diosta piñachicun— nishpa, yuyacurca.

SAN LUCAS 23:2

Paipac ñaupapica Jesustaca juchanchishpaca: —Cai runataca mandacta ama cazuchunmi gentecunata jatarichicucta japircanchic. Paica: “Ñucami Jatun Mandac Cristo cani” nishpami, impuestota jatun mandac Cesarman ama pagachun ninmi— nirca.

SAN JUAN 19:12

Chaimanta pachami Pilatoca, ima shinapish Jesusta cacharinata munarca. Shina cacpipish israelcunaca: —¡Cai runata cacharishpaca, mana jatun mandac Cesarpac partechu cangui! ¡Maijanpish ‘jatun mandacmi cani’ niricca, jatun mandac Cesarta piñacmi!— nishpa caparirca.

HECHOS 24:5

Cai runaca millai ungüi shinami, tucuipi israelcunataca pandata yachachishpa, bullapi churashpa purin. Paica Nazaret pueblomanta Jesús yachachishcata caticcunata pushacmi.

HECHOS 6:11

Chaimantami maijanman cullquita pagashpa: “Cancunaca: ‘Ñucanchicca cai runataca Moisestapish, Diostapish camishpa rimactami uyarcanchic’ nichun” mañarcacuna.

DEUTERONOMIO 13:10

Chai runaca cancuna Egipto llactapi huatashca shina causacucpi, llucchic Mandac Diosmanta caruyachishcamantaca huañuchishcami canga.

DEUTERONOMIO 21:21

Chashna huillacpimi, chai llactapi tucui causaccuna rumihuan shitashpa huañuchinga. Chashnami cancunapac chaupimanta juchata anchuchinguichic. Chaita tucui israelcuna uyashpaca manchangami.

DEUTERONOMIO 22:21

paipac taitapac huasi punguman llucchishpami, chai llacta gentecuna rumihuan shitashpa huañuchina can. Chashna ruhuashpami cancunapac chaupimantaca juchata anchuchinguichic. Chai soltera paipac taitapac huasipi shuc-huan chayarishpami israelpurapi millaita ruhuashca.

DEUTERONOMIO 22:24

ishcaitatacmi chai llacta yaicunaman llucchishpa, rumihuan shitana canguichic. Chai solterataca llactapi japiricucpi, mana caparishcamanta, cutin runataca shuc-huan cazarangapac ari nishca solterata japirishcamantami chashna huañuchina can. Chashnami cancunapac chaupimanta juchata anchuchinguichic.

DEUTERONOMIO 5:20

Ama llullashpa shuccunata llaquichinguichu.

HEBREOS 11:37

Cutin shuccunaca rumihuan shitashpa huañuchishcapish, shuccunaca serruchuhuan pitishpa huañuchishcapish, espadahuan huañuchishcapish carcami. Oveja cara, chivo cara churarishcami huacchayashpa, caiman chaiman manchaihuan llaquilla puricurcalla.