1 REYES 21:10 - Dios Rimashcata Quillcashcami

¹⁰ Chai quipaca: “Diostapish, jatun mandactapish, mana alli nishpami rimarcangui” nishpa, juchanchishpa huillachun ishcai millai runacunata, paipac ñaupapi tiyachichic. Paicuna cashna huillacpica, pueblomanta llucchishpa rumicunahuan shitashpa huañuchinguichic» nirca.

1 REYES 21:10 ပူးပေါင်းရင်းမြစ်များ

2 SAMUEL 20:1

Benjaminpac aillupuramanta Bicripac churi millaita ruhuac Sebami chaipi carca. Pai cornetapi tocashpa rimarishpaca: «¡Ñucanchicca Isaipac churi Davidmantaca ima ricunata, ima japinata mana charinchicchu! ¡Israelcuna cancunapac huasicunaman richiclla!» nirca.

1 REYES 21:11

Chaimantami Nabot causacuc pueblopi causaccunapish, cunac yuyaccunapish, mandaccunapish, Jezabel quillcashpa mandashca shinallatac ruhuarcacuna.

1 REYES 21:9

Chai quillcashcacunapica: «Mana micushpa cainangapac tucuita tandachichic. Chai quipaca, gentecunapac ñaupapi Nabotta tiyachichic.

2 REYES 6:32

Jatun mandac shuc runata Eliseopacman cachacpica, paica paipac huasipimi yuyac runacunahuan carca. Ashtahuanpish, huillangapac shamuc runa manarac chayamucpimi, Eliseoca yuyac runacunataca: —Huañuchic runaca ñuca umata pitichunmi cachashca. Chai huillangapac shamuc runa shamucpica, punguta huichcashpa, ama yaicuchinguichu. Paipac amopish paipac huashatami sarushca uyarishpa shamucun— nirca.

JOB 1:5

Chai jatun micui punzhacuna tucuricpica, Jobca paipac huahuacunatami cayac carca. Paica Diospaclla tucuchunmi tutamanta utca jatarishpa, cada shucmanta Diosman animalcunata cushpa huañuchishpa, tucui rupachic carca. Jobca: «Ñuca huahuacunaca juchallishpa, Diostapish llaquichishpa paicunapac shungupi mana allita rimarcapishchari» yuyashpami, jatun micui punzhacuna tucurishca quipaca, chashna ruhuac carca.

ÉXODO 22:28

Cancunapac llactapi mandaccunatapish, jueztapish ama llaquichinguichu.

PROVERBIOS 6:19

manapish yachashpa llullashpa huillacta shinallatac huauquindipura piñanacuipi churactami yallita piñan.

ISAÍAS 59:14

Chashnami allita ruhuanaca huashapi saquirirca. Cutin cashcata ruhuanaca ñucanchicmanta caruyarcami. Cashcata ninaca plazapimi mitcarishpa urmac shina tucurirca. Chaimantami allita ruhuanaca mana yaicui pudirca.

LEVÍTICO 24:14

«Tucui camishpa rimashcata uyaccuna paipac uma jahuapi maquita churachun, chai runata carpa huasimanta canzhaman llucchi. Chai quipaca tucui israelcuna tandanacushpa, rumihuan shitashpa huañuchichun.

SAN JUAN 10:33

Shina nicpimi israelcunaca: —Mana allicunata ruhuashcamantachu rumicunahuan shitashun ninchic, ashtahuanpish Dios tucushpa, paita piñachishcamantami shitashun ninchic. Canca ñucanchic shina runallami cangui. Chashna cashpapish Dios shina tucusha nishpami, chashnaca nicungui— nirca.

HECHOS 6:11

Chaimantami maijanman cullquita pagashpa: “Cancunaca: ‘Ñucanchicca cai runataca Moisestapish, Diostapish camishpa rimactami uyarcanchic’ nichun” mañarcacuna.

HECHOS 6:13

Chaipimi llullac huillaccunaca: —Cai runaca Diospac huasitapish, Moisés mandashcacunatapish rimactami uyarcanchic.

DEUTERONOMIO 13:13

Diosta mana manchac maijan runacunami cancunapac chaupimanta llucchishpa, cancunapac llactapi causaccunataca: “Cancuna mana ricsishca shuctac dioscunata jacuchic servishun” nicun nishcami uyaringa.

DEUTERONOMIO 19:15

Ima llaquita, mana cashpaca ima juchata ruhuashcata shuc testigolla huillacpica, mana imata ruhuanachu can. Ashtahuanpish ishcai, mana cashpaca quimsa runa ricushpa huillacpimi, imatapish ruhuana can.

JUECES 19:22

Chashna cushilla cacpimi chai pueblopi causac millai runacuna chai huasita muyunacushpa pungupi huactashpa chai yuyac runataca: —¡Cambac huasipi pozashpa tiyaccunahuan chayarinacungapac canzhaman llucchi!— nirca.

1 SAMUEL 2:12

Elipac churicunaca Diosta mana manchaccuna cashpami, Mandac Diosmantaca imatapish mana yacharca.