1 REYES 20:41 - Dios Rimashcata Quillcashcami

⁴¹ Shina nicpimi, paica ñahui tapashcata utcashpa anchuchirca. Ña anchuchicpimi, Israel llactata jatun mandacca Dios ima nishcata huillaccunapuramanta cashcata ricsirca.

1 REYES 20:41 ပူးပေါင်းရင်းမြစ်များ

2 SAMUEL 13:19

Chaimantami Tamarca uchupata umapi churarishpa, tucuilaya color churanata lliquirishpa ishcai maquita uma jahuapi churashpa, caparishpa rirca.

1 REYES 20:38

Shina nicpimi, chai runaca huactashpa chugrichirca. Chashna chugrichicpimi, Dios ima nishcata huillacca jatun mandac Acab rina ñanpi lienzohuan tapallishpa shuyangapac rirca.

1 REYES 20:40

Ashtahuanpish canta servic ñuca caita chaita ruhuacucpimi chai runaca miticushpa rishca— nirca. Shina nicpimi, Israel llactata jatun mandacca: —Can ima tucuna cashcataca canllatacmi huillashcangui— nirca.

1 REYES 20:42

Shina ricsicpimi paica: —Mandac Diosca: “Ñuca huañuchingapac chicanyachishca runata cambac maquimanta cacharishpa cachashcamantaca canmi paipac randi huañungui. Cambac gentecunami paipac gentecunapac randi huañunga” ninmi— nirca.

JOB 2:8

Shina ruhuacpimi, Jobca uchupapi tiyarishpa, callana paquishcahuan aspiricurcalla.

JEREMÍAS 6:26

Chaimantami ñucaca: «Ñuca llactapi causaccunalla, sharpa churanata churarishpa, uchupapi singüichicyari. Shuclla huahua huañushcamanta llaquiric shina, yana churanata churarishpa, caparishpa huacaichicyari. Ñucanchicta tucuchicca ñallami shamunga» nircani.