1 REYES 20:38 - Dios Rimashcata Quillcashcami

³⁸ Shina nicpimi, chai runaca huactashpa chugrichirca. Chashna chugrichicpimi, Dios ima nishcata huillacca jatun mandac Acab rina ñanpi lienzohuan tapallishpa shuyangapac rirca.

1 REYES 20:38 ပူးပေါင်းရင်းမြစ်များ

2 SAMUEL 14:2

Chaimantami Joabca Tecoa pueblomanta shuc yachac huarmita pushamuchun cacharca. Chai huarmitaca: «Canca maijan huañushcamanta duelo churanata churarishpa, llaquilla tucushpa, jatun mandacpacman ri. Mishquilla ashnacuc-huanpish mana cahuirishpa, achca huatacunata maijan huañushcamanta duelo churanata churashca shinalla ricurigri.

1 REYES 14:2

Shina tucucpimi, Jeroboamca paipac huarmitaca: «Can ñuca huarmi cacta ama pi ricsichunca shuc churanata churarishpa, Silo pueblopi causac Dios ima nishcata huillac Ahías runapacman ri. Cai llactapi ñuca jatun mandac tucunataca paimi huillarca.

1 REYES 20:37

Chai quipaca cutinllatacmi Dios ima nishcata huillac shuc runahuan tupashpaca: —Ñucata huactai— nirca.

1 REYES 20:41

Shina nicpimi, paica ñahui tapashcata utcashpa anchuchirca. Ña anchuchicpimi, Israel llactata jatun mandacca Dios ima nishcata huillaccunapuramanta cashcata ricsirca.

1 REYES 22:30

Chaipimi Israel llactata jatun mandacca Josafattaca: «Ñucaca shuctac churanata churarishpami, macanacungapac risha. Canca cambac churanata churarishpa ri» nirca.

SAN MATEO 6:16

Cancuna ayunashpaca, ama chai mishqui shimi, jayac shungucuna shina ayunanguichicchu. Paicunaca gentecuna ricuchunllami llaquilla ñahui tucushpa ayunan. Paicuna chashna ruhuashpaca, cai pachapacllami alli nishca cancuna. Chaica chashnatacmi can.