1 REYES 20:30 - Dios Rimashcata Quillcashcami

³⁰ Maijan siriocunaca Afec pueblopimi miticungapac rircacuna. Shina cacpipish, pueblo pirca urmashpami, ishcai chunga canchis huaranga soldadota huañuchirca. Shinallatac Ben-adadpish chai pueblopi miticungapac rishpami, shuc ucumanta, caishuc ucuman pasashpa miticurca.

1 REYES 20:30 ပူးပေါင်းရင်းမြစ်များ

2 SAMUEL 18:8

Tucui llactacunatami macanacuica rirca. Chai macanacuipica sachacunapi urmashpami, espadahuan huañuchishcata yalli ashtahuan huañurca.

1 REYES 20:10

Shina huillacpimi, Ben-adadca Acabman huillachun cutin cachashpaca: «Cai Samaria puebloca ñuca soldadocuna maqui junda allpata apashpa ringapacpish mana pactangachu. Mana chashna ruhuacpica, ñuca dioscuna yallita llaquichichun» nishpa cacharca.

1 REYES 20:20

Paicunahuan macanacungapac shamuccunataca huañuchishpami catirca. Siriocunaca miticushpami callparca. Cutin israelcunaca catishpami llaquichirca. Siria llactata jatun mandac Ben-adadca caballopi montashpami maijan soldadocunandi callpashpa miticugrirca.

1 REYES 20:26

Ña huata quipami, Ben-adadca Siria llacta soldadocuna macanacungapac ña allichirishcata ricushpa, israelcunapish macanacungapac Afec puebloman rirca.

1 REYES 20:29

Canchis punzhacamanmi carpa huasicunapi chimbapurashpa tiyacurcacuna. Ña canchis punzhapica macanacuimi callarirca. Israelcunaca shuc punzhallapimi chaquillahuan puric Sirio soldadocunataca patsac huarangata huañuchircacuna.

1 REYES 22:25

Shina nicpimi Micaiasca: —Riqui, huasiman yaicushpa, shuc ucumanta shuc ucuman miticushpa puricui punzhami yachangui— nirca.

2 REYES 10:24

Paicuna animalta cushpa huañuchingapac, tucui rupachingapac yaicucpica, pusac chunga soldadotami Jehuca canzhapi cuidachun churarca. Paicunataca: «¡Cancunapac maquipi churashca cai runacunata maijan cancuna richun saquishpaca, cancunami paicunapac randi huañunguichic!» nirca.

2 REYES 9:2

Chaiman chayashpaca, Nimsipac nieto Josafatpac churi Jehutami ricungui. Paitaca huauquicunapac ladomantaca shuc ucuman pushangui.

2 CRÓNICAS 18:24

Shina nicpimi Micaiasca: —Riqui, huasiman yaicushpa, shuc ucumanta caishuc ucuman miticushpa, puricui punzhami yachangui— nirca.

SALMOS 18:25

Llaquiccunahuanca llaquic cashcallatatacmi ricuchingui. Mana pandaric runamanca canpish allicunallatatacmi ruhuangui.

ISAÍAS 24:18

Jahua pachamanta ventanata pascashpa, manchana llaquita cachacpica, miticushpa callpacushpaca jutcupimi urmanga. Chaimanta llucshishpaca tucllapimi japi tucunga. Cai pacha allpapish tucuimi cuyuringa.

ISAÍAS 30:13

Chaimantami cancunapac juchaca jatun pirca chictarishpa urmac shina, jatun pirca chaupirishpa, cungailla urmashpa cancunata ñitinga.

JEREMÍAS 48:44

Moab llactapi causaccunataca yallitami llaquichigrini. Manchaimanta miticushpa callpacca jutcupimi urmanga. Jutcumanta llucshicca tucllapimi japi tucunga.

DANIEL 4:37

Cunanca Nabucodonosor ñucaca jahua pachata jatun Mandacta “sumaimana cangui” nishpami alli nini. Tucui pai ruhuashcaca pai nic cashcata, ruhuac cashcatami ricuchin. Jatun tucushca gentecunatapish cumurichinmi.

AMÓS 5:19

Chai punzhapica leonta manchashpa callpacushpaca, osohuanmi tupanga. Huasiman yaicushpa, pircapi tuparishpaca, culebrapimi taunallinga.

AMÓS 9:3

Carmelo urcupi miticucpipish, mashcashpami tarisha. Ñuca ñahuimanta miticushpa, mama cuchaman yaicucpica, culebratami canichun cachasha.

SAN LUCAS 13:4

Siloé torre tigrashpa, chunga pusacta ñitishca huañuccunaca, ¿tucui Jerusalenpi causaccunamanta yalli juchayuccuna cashcamantami huañushca canga yuyanguichicchu?

JOSUÉ 13:4

Cutin ura ladomanca cananeocunapac tucui llactacuna, sidoniocunapac llactacunaca Ara pueblomanta amorreocunapac ladopi cac Afec pueblocamanmi tiyanrac.

JUECES 9:40

Ashtahuanpish Abimelec llaquichic callaricpimi Gaalca miticushpa callparca. Chai pueblopi causaccunataca pueblo pungucaman catishpa rishpami achcata huañuchirca.

1 SAMUEL 29:1

Filisteocunaca tucui paicunapac soldadocunatami Afec pueblopi tandachirca. Shinallatac israelcunaca Jezreel pueblo ladopi cac tucyac yacu ladopimi carpa huasicunata shayachishpa tiyarirca.