1 REYES 20:29 - Dios Rimashcata Quillcashcami

²⁹ Canchis punzhacamanmi carpa huasicunapi chimbapurashpa tiyacurcacuna. Ña canchis punzhapica macanacuimi callarirca. Israelcunaca shuc punzhallapimi chaquillahuan puric Sirio soldadocunataca patsac huarangata huañuchircacuna.

1 REYES 20:29 ပူးပေါင်းရင်းမြစ်များ

GÉNESIS 25:20

Isaacca chuscu chunga huatayuc cashpami, Padan-arammanta arameopuramanta Betuelpac ushi Rebecahuan cazararca. Rebecaca arameocunapuramanta Labanpac panimi carca.

2 SAMUEL 10:18

Ashtahuanpish, siriocunaca israelcunata manchashpami, miticushpa callparca. Chaipimi, Davidca carretapi ric canchis patsac soldadocunata, caballopi ric chuscu chunga huaranga soldadocunata huañuchirca. Chaillapitacmi Sirio soldadocunata mandac Sobapish chugrichicpi huañurca.

1 REYES 20:28

Chai shina cacpimi, Dios ima nishcata huillac runa Israel llactata jatun mandacpacman shamushpaca: —Mandac Diosca: “Siriocunaca, ñucataca Mandac Diosca urcucunapi causaccunapac Diosmi, pugru pambacunapi causaccunapac Diosca mana canchu nishcacunami. Ñucaca cai tucui gentecunatami, cambac maquipi churagrini. Chashna ruhuacpimi ñucataca Mandac Dios cashcata yachangui” ninmi— nirca.

1 REYES 20:30

Maijan siriocunaca Afec pueblopimi miticungapac rircacuna. Shina cacpipish, pueblo pirca urmashpami, ishcai chunga canchis huaranga soldadota huañuchirca. Shinallatac Ben-adadpish chai pueblopi miticungapac rishpami, shuc ucumanta, caishuc ucuman pasashpa miticurca.

2 REYES 13:17

Chai quipaca: —Inti llucshina lado ventanata pascai— nirca. Shina pascacpi Eliseoca: —¡Flechata shitai!— nirca. Chai flechata cacharicpimi Eliseoca: —¡Mandac Diosca cai flechahuanmi macanacuita mishachinga! ¡Cai flechahuanmi siriocunataca mishachinga! Canmi siriocunata Afec pueblopi huañuchishpa tucuchingui— nirca.

2 REYES 13:25

Joacazpac churi Joasmi pueblocunata Hazaelpac churi Ben-adadpac maquimanta cutin japirca. Chai pueblocunataca paipac taita Joacazmantami Hazaelca macanacushpa quichushca carca. Joasca quimsa cutincaman macanacushpa mishashpami, chai pueblocunataca israelcunapac cachun cutin quichurca.

2 CRÓNICAS 13:17

Chai macanacuipimi Abiasca paipac soldadocunahuan sinchita macanacushpa, pichca patsac huaranga acllashca Israel soldadocunata huañuchirca.

2 CRÓNICAS 28:6

Remaliaspac churi Peka soldadoca shuc punzhallami Judá llactapi causac patsac ishcai chunga huaranga soldadocunata huañuchirca. Chaicunaca ashtahuan sinchi soldadocunami carca. Paicunapac ñaupa taitacunata Mandac Diosmanta anchurishcamantami chashnaca huañuchirca.

SALMOS 10:16

¡Mandac Diosca huiñaita jatun mandacmi! Paipac allpamantaca mana cazuccunaca chingaringami.

ISAÍAS 37:36

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadota huañuchirca. Cayandi tutamanta jatarishpaca, tucui huañushpa siricuctami ricurca.

JOSUÉ 6:15

Canchisniqui punzha tucucpica, manarac punzhayacpimi, jatarishpa ñaupa punzha shinallatac canchis cutin, chai pueblota muyurcacuna. Chai punzhallami canchis cutin muyurcacuna.

1 SAMUEL 17:16

Filisteopuramanta Goliatca chishi, tutamantami chuscu chunga punzhacaman israelcunataca macanacushun nishpa llaquichic carca.