1 REYES 20:27 - Dios Rimashcata Quillcashcami

²⁷ Shinallatac israelcunapish allichirishpami, imallata apashpa siriocunahuan macanacungapac rircacunacuna. Israelcunaca siriocunapac chimbapurapimi ishcaipi chicanyarishpa carpa huasicunata shayachishpa, tiyarircacuna. Siriocunaca jatun pamba jundami carca. Israel soldadocunaca ishcai corral chivocuna shinallami ricurircacuna.

1 REYES 20:27 ပူးပေါင်းရင်းမြစ်များ

2 REYES 3:6

Chaimantami jatun mandac Joramca Samaria pueblomanta rishpa, tucui Israel llacta soldadocunata allichirichun nishpa huillamurca.

ECLESIASTÉS 9:11

Inti achicyachicuc cai pachapica caitapish ricurcanimi: Jatun callpaipica mana sinchi callpaccunachu mishan. Macanacuipipish mana sinchicunachu mishan. Micunatapish mana yachaccunallachu micun. Mana yuyaisapacunallachu chayucyan. Mana allita rimaccunallachu alli nishca can. Ashtahuanpish tucuimanmi alli punzhapish, mana alli punzhapish shamun.

DEUTERONOMIO 32:30

Jatun Rumi shina Diosllatac mana mishachishca cacpica, ¿ima shinatac shuclla runa huaranga genteta callpachinga? ¿Ima shinatac ishcailla runa chunga huaranga genteta catishpa cachanga?

JOSUÉ 1:11

«Carpa huasicunaman rishpaca: “Quimsa punzha quipaca ñucanchicta Mandac Dios cusha nishca llactaman yaicungapacmi Jordán yacuta pasagrinchic. Chaimanta micunata allichichic” nigrichic» nirca.

JUECES 6:3

Israelcuna imata tarpucpipish, madianitacuna, amalecitacuna inti llucshic ladomanta shamushpami llaquichic carca.

JUECES 6:5

Paicunaca huagracunahuan, causana carpa huasicunahuanmi langosta shina shamuc carca. Paicunapish, camellocunapish mana yupaipac shamushpami tucuita indushpa tucuchirca.

JUECES 7:12

Madianitacunapish, amalecitacunapish, inti llucshina ladomanta gentecunapish, chai pambapica langostacuna shinami achca carca. Shinallatac camellocunapish mama cuchapi tiyac tiyu shina maita mana yupaipacmi carca.

JUECES 7:8

Chai quimsa patsac gentecunata saquichishpami, caishuc gentecunataca quiquin huasiman cutichun trompetacunata, ima minishtishcacunata saquishpa caya minchacaman nishpa cacharca. Madianitacunapac carpa huasicunaca ura lado pambapimi carca.

1 SAMUEL 14:2

Saulca Gabaa urcu chaquipi shayacuc granadilla yura ladopimi sucta patsac shina gentecunahuan carca. Chai yuraca Migrón pueblo ladopimi shayacurca.