1 REYES 20:14 - Dios Rimashcata Quillcashcami

¹⁴ Shina huillacpimi Acabca: —¿Pihuantac ñuca maquipi churagringui?— nirca. Shina nicpimi, chai huillac runaca: —Mandac Diosca: “Llactacunata mandaccunapac serviccunahuanmi cambac maquipi churagrini” ninmi— nirca. Shina nicpimi Acabca: —¿Macanacuitaca maijantac callarigrin?— nirca. Shina nicpimi paica: —Canmi callarina cangui— nirca.

1 REYES 20:14 ပူးပေါင်းရင်းမြစ်များ

1 REYES 18:44

Shina nicpi, ña canchis cutincaman rishpaca: —Shuc runapac maqui shungu shina, asha puyutami mama cuchamanta huichai ricucta ricuni— nirca. Shina nicpimi Eliasca: —Acabpacman rishpa: “Tamya shamushpa ama jarcachun caballocunapi carretata aisachishpa huasiman utca rilla” nigri— nirca.

1 REYES 20:13

Shina cacpimi, Dios ima nishcata huillac shuc runa Israel llactata jatun mandac Acabpacman shamushpaca: —Mandac Diosca: “¡Cai tucui gentecunata ricunguichu! Riqui, ñucataca Mandac Dios cashcata ricsichunmi, cunanca paicunataca cambac maquipi churagrini” ninmi— nirca.

1 REYES 20:15

Chashna nicpimi, Acabca llactacunata mandaccunapac ishcai patsac quimsa chunga ishcai serviccunata, shinallatac tucui israelcunatami allichirichun nishpa huillarca. Paicunaca canchis huarangami carca.

1 REYES 20:17

Chai macanacuimanca llactacunata mandaccunapac serviccunaracmi punta llucshirca. Ben-adad ricushpa puriccunata cachashcacunaca: «Samaria pueblomantami achca gentecuna llucshimushca» nishpami huillarca.

1 SAMUEL 17:50

Shinami Davidca chai filisteotaca huaracahuan, shuc rumillahuan huañuchirca. Paica shuc espadallatapish maquipica mana charircachu.