1 REYES 20:1 - Dios Rimashcata Quillcashcami

¹ Siria llactata jatun mandac Ben-adadca tucui paipac soldadocunata tandachishpami, quimsa chunga ishcai jatun mandaccunata paicunapac caballocunandi, carretacunandi tandachirca. Chashna tandachishpaca, Samaria puebloman huichai rishpami, chai pueblopi causaccunahuan macanacungapac muyushpa shayarirca.

1 REYES 20:1 ပူးပေါင်းရင်းမြစ်များ

1 REYES 15:18

Chaimantami Asaca Mandac Diospac huasipipish, mandaccunapac huasipipish alli huacaichishca cullquita japishpa, Siria llactata jatun mandac Ben-hadadman cuchun, paita serviccunaman cushpa cacharca. Ben-hadadca Damasco pueblopimi causarca. Paica Tabrimonpac churimi carca. Tabrimonca Hezionpac churimi carca. Asaca paicunataca:

1 REYES 15:20

Ben-hadadca jatun mandac Asa mañashcata ari nishpami, Israel llacta pueblocunapi causaccunahuan macanacuchun, paipac soldadocunata mandaccunata cacharca. Paicunaca Ijón, Dan, Abel-bet-maaca pueblocunatapish, Cineret, Neftalí llactacunatapish quichurcami

1 REYES 16:24

Omrica Semermanmi Samaria urcuta ishcai talento cullquipi randirca. Chai urcupi shuc pueblota ruhuashpami, chai urcuta catuc Semer shuti cashcamanta chai pueblotaca Samariata shutichirca.

1 REYES 20:16

Chaupi punzhatami paicunaca macanacuiman llucshirca. Ben-adadca paita ayudangapac shamushca quimsa chunga ishcai jatun mandaccunahuanmi carpa huasicunapi ubiashpa, machashca carca.

1 REYES 20:2

Ben-adadca Israel llactata jatun mandac Acabpacman huillaccunata cachashpaca:

1 REYES 20:24

Cunanca, jatun mandaccunata paicuna mandacushcamanta llucchishpa, shuctac mandaccunata churai.

1 REYES 22:31

Shina cacpimi, Siria llactata jatun mandacca macanacuna carretapi puric soldadocunata mandac quimsa chunga ishcai soldadocunataca: «Cancunaca uchillahuanpish, jatunhuanpish ama macanacunguichicchu. Ashtahuanpish Israel llactata jatun mandacllahuan macanacunguichic» nirca.

2 REYES 6:8

Siria llactata jatun mandacca israelcunahuanmi macanacucurca. Chaipimi paita servic soldadocunahuan tandanacushpaca: «Ñuca carpa huasicunaca cai pushtupi, chai pushtupimi canga» nirca.

2 REYES 8:5

Giezi shuc huahuata causachishcata parlacucpimi, chai causachishca huahuapac mamaca jatun mandacta paipac huasita, allpacunata cutichichun nishpa mañangapac chayarca. Shina chayacpimi Giezica: «¡Jatun mandac ñuca amolla! ¡Chai huarmica paimi! ¡Cai huahuatami Eliseoca causachirca!» nirca.

ESDRAS 7:12

«Jatun mandaccunata mandac Artajerjesmi: Jahua pachapi causac Dios mandashcata alli yachac quillcac Esdras curataca sumac causaita charingui nini.

ÉXODO 14:7

Sucta patsac carretatami acllashpa tandachirca. Egiptopi tiyac tucui carretacunata tandachishpa, chaipi soldadocunata mandaccunata tiyachishpami pusharca.

ISAÍAS 10:8

Paica: “Ñuca churashca mandaccunaca, ¿manachu tucui jatun mandaccuna?

ISAÍAS 37:24

Canta serviccunatami Diosta camichishcangui. Chashna cachashpaca: ‘Ñucapac carretacunahuanmi urcu lomacunaman, Líbano urcu jahuaman rircani. Chaipimi cedro yuracunata, ashtahuan alli ciprés yuracunata tigrachircani. Ashtahuan jahua urcu lomaman, sumac quihua pambamanmi rircani.

JEREMÍAS 49:27

Damasco pircapica ninatami japichisha. Chai ninami Ben-adad mandana huasitapish tucuchinga» ninmi.

EZEQUIEL 26:7

Mandac Dios ñucaca: Tiro llactata llaquichichunca, jahua Babilonia llactata jatun mandac Nabucodonosortami pushamusha. Paica jatun mandaccunatapish jatun mandacmi. Paimi achca caballocunahuan, carretacunahuan, caballopi ric soldadocunahuan, achca runacunahuan shamunga.

DANIEL 2:37

Jatun mandaclla, canca jatun mandaccunatapish mandacmi cangui. Chaica, jahua pacha Diosmi, llactata mandanatapish, fuerzatapish, mandangapac yuyaitapish canman curca.

LEVÍTICO 26:25

Ñucahuan ari nishcata mana cazushcamantaca ñucapish chashnallatacmi cancunataca espadahuan llaquichiccunata cachashpa llaquichisha. Chai llaquimanta cancunapac llactapi miticugricpipish, jatun ungüita cachashpami, cancunata piñaccunapac maquipi churasha.

AMÓS 1:4

Hazaelpac huasipica ninatami churasha. Chai ninami jatun mandac Ben-hadad mandashpa tiyana huasitapish tucui rupachinga.

DEUTERONOMIO 20:1

Cancunata piñaccunahuan macanacungapac llucshishpa caballocunata, carretacunata achcata ricushpa, achca gentecunata ricushpaca, ama manchanguichicchu. Cancunaca Egipto llactamanta llucchimuc Mandac Dios-huanmi canguichic.

DEUTERONOMIO 28:52

Chai gentecunaca tucui cancuna causana llactacunata jarcachishca jatun pircacuna, tucui urmangacamanmi muyunacunga. Chai jarcachishca pircacunahuanca cushillami carcanguichic. Mandac Dios cushca tucui cancunapac llactacunatapish, llactacunatapishmi muyunacushpa shayacunga.

JUECES 1:7

Shina piticpimi, jatun mandac Adoni-bezecca: «Ñucami canchis chunga jatun mandaccunataca paicunapac chaquimanta, maquimanta mama dedota pitichircani. Shina ruhuashpaca ñuca micucpi, urmashcata micuchunmi miza ucupi churarcani. Paicunata ruhuashca shinallatacmi ñucatapish Diosca ruhuashca» nirca. Chai quipaca Jerusalenman apacpimi chaipi huañurca.

JUECES 4:3

Jatun mandac Jabinca iscun patsac fierro carretatami charirca. Shinallatac ishcai chunga huatatami yallita llaquichirca. Chaimantami israelcunaca Mandac Diosta caparishpa mañarcacuna.

1 SAMUEL 13:5

Chaimantami filisteocunapish, israelcunahuan macanacungapac quimsa huaranga carretacunahuan, sucta huaranga caballopi ric soldadocunahuan, shinallatac mama cuchapi tiyac tiyu shina mana yupaipac achca gentecunahuan tandanacurca. Paicunaca Micmas puebloman huichai rishpami, carpa huasicunata shayachishpa tiyarircacuna. Chai puebloca Bet-avén pueblomantaca inti llucshic ladomanmi saquirin.