1 REYES 2:7 - Dios Rimashcata Quillcashcami

⁷ Ashtahuanpish, galaaditapura Barzilaipac churicunataca llaquishpa, micuna mizaman cayashpa carangui. Cambac huauqui Absalonmanta miticushpa ricucucpica, paicunaca ñucamanca allitami ruhuarcacuna.

1 REYES 2:7 ပူးပေါင်းရင်းမြစ်များ

GÉNESIS 40:14

Can alli cashpa, ñucata llaquishpa, Faraonman ñucamanta parlangui. Shina parlashpa, ñucata cai carcelmanta llucchingui.

2 SAMUEL 19:28

Ñuca taitapac huasi ucupuraca tucuimi can jatun mandacpac ñaupapi huañuna carca. Shina cashpapish ñucata mana huañuchishpa, canta servic ñucataca cambac cayashcacunahuan micuchun mizapi churarcangui. Cunanca, can jatun mandacman imata ashtahuan mañanatapish mana pudinichu— nirca.

2 SAMUEL 9:10

Canpish, cambac churipish, canta serviccunapish paiman allpapi trabajashpa granota pucuchinguichic. Shinallatac chai pucushcacunataca cambac amopac nieto Mefi-boset micunata charichun huacaichinguichic. Shina cacpipish, Mefi-bosetca punzhantami ñuca mizapi micunga— nirca. Sibaca chunga pichca churita, ishcai chunga servictami charirca.

2 SAMUEL 9:7

Shina nicpimi Davidca: —Ama manchaichu. Cambac taita Jonatanta cuyashcamantami canmanca allicunata ruhuagrini. Shinallatac cambac taita Saulpac allpatapish canman cutichigrinimi. Canca punzhantami ñuca mizapi micugringui— nirca.

2 REYES 25:29

Shinallatac carcelpi cana churanata llucchishpa, shuc churanata churachishpami, paipac tucui causaipi jatun mandac-huan micuchun saquirca.

2 REYES 25:30

Paica tucui causaipimi punzhanta paipac ima illashcata jatun mandacmanta chasquishpa causarca.

ESDRAS 2:61

Curacunapac huahua huahuacunamantaca Habaiapac, Cospac, Barzilaipac huahua huahuacunami cutimurca. Chai Barzilaimi Galaad llactamanta chaishuc Barzilaipac ushicunamanta shuc-huan cazararca. Chaimantami chai huarmicunapac shuti carca.

PROVERBIOS 27:10

Canhuan apanacuctapish, cambac taitahuan apanacuctapish ama cungaringuichu. Llaquihuan cashpaca ama cambac huauquipac huasiman ringuichu. Carupi causac huauquipac randica, cambac ladopi causaccunami ashtahuan alli.

JEREMÍAS 52:33

Carcelpi churarinata llucchishpami, shuctac alli churanata churachirca. Chai punzhamanta pachami Joaquinca paipac tucui causaipi chai llactata jatun mandac-huan punzhanta mizapi micushpa causarca.

SAN LUCAS 12:37

Chashna chaparacucpi amo chayamucpimi, serviccunamanca mai cushicui canga. Chai amoca pai quiquinllatacmi serviccuna churarinata churarishpa, paicunata mizaman tiyachishpa micunata caranga, chashnami canga.