1 REYES 2:6 - Dios Rimashcata Quillcashcami

⁶ Canca alli yachac shina ruhuashpa, yuyaccaman causashpa, sumacta Seolman richun, ama saquinguichu.

1 REYES 2:6 ပူးပေါင်းရင်းမြစ်များ

GÉNESIS 42:38

Shina nicpimi, taita Jacoboca: —Ñuca churica mana cancunahuan ringachu. Paipac huauqui Joseca ña huañurcami, paillami saquirin. Cancuna rina ñanpi ima llaqui tucucpica, yurac acchayuc ñucaca llaquiricushpalla huañushpa Seolman risha— nirca.

GÉNESIS 9:5

Causaita cuc yahuarmantaca huañuchishcami canga. Maijan huañuchictaca huañuchishcami canga. Maijan animal huañuchicpica, chaitapish huañuchishcami canga.

GÉNESIS 9:6

Diosca pai shinatacmi runataca ruhuarca. Chaimanta maijan shuc runata huañuchictaca huañuchishcami canga.

2 SAMUEL 3:39

Cunanca, jatun mandac cachun aceitehuan cahuishca cashpapish irquiyashcami cani. Sarviapac huahuacunami ñucata atishpa ashtahuan sinchicuna. Paicuna mana allita ruhuashcamantaca Mandac Diosllatac mana allita ruhuashca shinallatac llaquichichun— nirca.

1 REYES 2:7

Ashtahuanpish, galaaditapura Barzilaipac churicunataca llaquishpa, micuna mizaman cayashpa carangui. Cambac huauqui Absalonmanta miticushpa ricucucpica, paicunaca ñucamanca allitami ruhuarcacuna.

1 REYES 2:9

Ashtahuanpish cunanca ama saquinguichu. Canca alli yachac runami cangui. Ima shina paita llaquichinatapish, canllatac yachanguimi. Pai ña yuyacyashpa yurac accha tucucpica, huañuchishpa, yahuarta jichashpa Seolman cachangui» nirca.

1 REYES 3:12

Riqui, cunanca can mañashca shinallatacmi ruhuasha. Riqui, alli entendic alli yuyaita charic shungutami canman curcani. Chashna alli yuyaita charic runaca cambac ñaupapish, mana tiyarcachu. Cambac quipapish, can shinaca mana tiyangachu.

2 REYES 22:20

Chaimantami can huañucpipish, cambac ñaupa taitacunahuan tandachisha. Canca ima llaquipish illacmi enterrashca cangui. Tucui jatun llaquicunata cai llactaman cachactaca canca mana ricunguichu’ ninmi” nigrichic» nirca. Chashna nicpimi jatun mandacman huillangapac cutircacuna.

SALMOS 37:37

Ima mana allita ruhuac runataca yuyariyari. Cashcata ruhuac runataca ricuiyari. Sumacta cushilla causac runaca quipatami cushicunga.

PROVERBIOS 20:26

Yuyaisapa jatun mandacca Diosta mana manchaccunataca huairachic shinami shic-huan. Paicunataca ruedacunahuanmi sarun.

PROVERBIOS 28:17

Pitapish huañuchishpa yahuarta jichac runaca pai huañungacamanmi miticushpa puringa. Paitaca huañunamanta mana pi jarcanchu.

ECLESIASTÉS 8:11

Huañuclla runacunaca paicuna mana allita ruhuashcamanta mana utca llaquichicpica, ashtahuan mana allita ruhuanatami yuyarincuna.

ISAÍAS 48:22

Mandac Diosca: «Millaicunamanca mana cushi causaica tiyanchu» ninmi.

ISAÍAS 57:2

Chaica pai huañushpaca cushilla causangapacmi rin. Diospac ñaupapi alli causacca tucuimi samaringa.

ISAÍAS 57:21

Ñucata Mandac Diosca: «¡Ñucata mana manchaccunamanca cushi causaica mana tiyangachu!» ninmi.

ISAÍAS 65:20

Chaipica asha punzhallata causac huahuacunaca mana tiyangachu. Yuyaccunapish huañuna punzha manarac pactacpica, mana huañungachu. Patsac huatayuc huañushpaca, huambraracmi huañunga. Manarac patsac huatayuc huañushpaca, Dios mana alli nishca juchayuc runa nishcami canga.

NÚMEROS 35:33

Cancuna causacushca llactataca ama mapayachinguichicchu. Maijanta huañuchishpa, yahuarta jichashcamantami chai llactaca mapayashca canga. Chashna mapayashcaca chai huañuchic runata huañuchicpimi, mapa illac saquiringa.