1 REYES 2:33 - Dios Rimashcata Quillcashcami

³³ Paicunapac yahuarca Joabpac jahuallapitac, shinallatac paipac huahua huahuacunapac jahuallapitac urmachun. Ashtahuanpish, Davidmanpish paipac huahua huahuacunamanpish, paipac huasi ucupuracunamanpish, pai mandangapac tiyarinapipish, Mandac Diosca huiñaita sumac causaita cuchun— nirca.

1 REYES 2:33 ပူးပေါင်းရင်းမြစ်များ

GÉNESIS 42:22

Shina nicpimi Rubenca: —¿Manachu ñucaca, huambrata ama imata ruhuaichicchu nircani? Shina nicpipish, mana uyarcanguichicchu. Paita huañuchishcamantami llaquipi canchic— nirca.

2 SAMUEL 14:9

Shina nicpipish, Tecoa pueblomanta huarmica: —¡Jatun mandac ñuca amolla, ima juchanchina cacpipish, ñucata, ñuca huasi ucupuracunata juchanchichun! ¡Ashtahuanpish can jatun mandacpish, can mandanapish ama juchanchishca cachun!— nirca.

1 REYES 2:32

Mandac Diosca cai yahuartaca paillamantacmi cutichinga. Paica, paitapish yalli imatapish cashcata ruhuac ishcai alli runacunatami huañuchirca. Paicunataca ñuca taita Davidpish mana yachacpimi, espadahuan huañuchirca. Nerpac churi Abnerca Israel soldadocunata mandac, Jeterpac churi Amasaca Judá llacta soldadocunata mandacmi carca.

1 REYES 2:44

Cutinllatac jatun mandac, Simeita rimashpaca: «Ñuca taita Davidta piñashpa, tucui mana allita ruhuashpa can llaquichishcataca, allimi yachangui. Mandac Diosca chai llaquillatatacmi canmanpish tigrachigrin.

1 REYES 8:32

jahua pachapi uyashpa, canta serviccuna imata ruhuana cashcata ricuchingui. Canta mana manchactaca pai mana allita ruhuashca shinallatac paipac jahuapi llaquita churangui. Cashcata ruhuactaca imatapish cashcata ruhuashcamantami, allicunata japina cashcata cungui.

2 REYES 5:27

Can chashna ruhuashcamantaca Naamanpac lepra ungüica canpi llutaric shinami cantapish, cambac huahuacunatapish huiñaita llaquichinga— nirca. Shina nicpi, lepra ungüi japicpi, chai runapac aichaca rasu shina yuranlla tucushpa, Eliseopac ñaupamanta llucshirca.

1 CRÓNICAS 17:27

Cunanca, canta servic ñuca huasi familiacunata cambac ñaupapi huiñaita cuidashca cachunmi bendiciasha nircangui. Can Mandac Diosllatac bendiciashcamantami ñuca huasi familiaca huiñaita alli nishca canga» nirca.

SALMOS 101:8

Diosta mana manchac cai pachapi causaccunataca tutamantami tucuchisha. Mana allita ruhuaccunataca tucuitami Mandac Diospac pueblomantaca chingachisha.

SALMOS 132:12

Paicuna ñucahuan ari nishcatapish, ima shina causanata ñuca yachachishcatapish pactachishpaca, huiñaitami can mandashpa tiyarinapica tiyaringa» nirca.

SALMOS 21:4

Causaita mañacpipish curcanguimi. Unaita causachunmi achca huatacunata curcangui.

SALMOS 89:29

Paipac huahua huahuacunataca huiñaitami mandac cachun churasha. Pai mandashpa tiyarinapish jahua pacha shinami huiñaita canga.

PROVERBIOS 25:5

Diosta mana manchac runata jatun mandacpac ñaupamanta anchuchingui. Shina anchuchicpimi, jatun mandacca cashcata ruhuashpa sinchiyanga.

EZEQUIEL 17:19

Chaimantami Mandac Dios ñucaca: Ñucahuan ari nishcata yangapi churashpa, mana cazushcamantaca llaquichishatacmi. Chaitaca ñuca shutipimi nini.

NÚMEROS 32:23

Cancuna mana chashna ruhuashpaca, Mandac Diospac ñaupapimi juchayuc tucunguichic. Chai juchata cancuna ruhuashcamanta ima horaspish jatun llaquitami apanguichic.

SAN MATEO 27:25

Shina nicpimi paicunaca: —Ari, pai huañushcamanta ñucanchicmi juchayuc cashun— nircacuna.

SAN LUCAS 2:14

«¡Jahua pacha Diosca, alli nishca cachun! ¡Dios cuyashcacunaman cushi tiyachun!» nirca.

HECHOS 18:6

Chashna huillacucpimi, israelcunaca piñarishpa, Pablota camishpa rimai callarirca. Chaimantami Pabloca paipac churanata chaspirishpa: —Cancunapac munaimantami llaquita apanguichic. Diosca ñucataca mana juchanchingachu. Cunanca, mana israelcunamanmi huillangapac rigrini— nirca.

JUECES 9:24

Jerobaalpac canchis chunga huahuacunata huañuchishpa yahuarta jichashcamantami Abimelecpac jahuapi llaqui urmachun, shinallatac Siquem pueblopi causaccunapish huañuchinata ayudashcamanta paicunapac jahuapi llaqui urmachun chashnaca ruhuarca.