1 REYES 2:25 - Dios Rimashcata Quillcashcami

²⁵ Shina nishca quipami jatun mandac Salomonca Joiadapac churi Benaiastaca, Adoniasta huañuchigri nishpa cachacpimi huañuchirca.

1 REYES 2:25 ပူးပေါင်းရင်းမြစ်များ

2 SAMUEL 1:15

Shina nishpami, Davidca paita servic shuc runata cayashpaca: —¡Cai mosota huañuchigri!— nirca. Shina nicpimi, amalecita mosotaca chugrichishpa huañuchirca.

2 SAMUEL 12:10

Cunanca ñuca nishcata mana uyashpa, heteopuramanta Uriaspac huarmita japishpa, millaita ruhuashcamantaca cambac huasi ucupurapica huañuica jaicapi mana illangachu” nirca.

2 SAMUEL 4:12

Chashna nishpami, Davidca paita serviccunataca huañuchichun mandarca. Chashna huañuchishpami maquicunatapish, chaquicunatapish pitishpa Hebrón pueblo cuchupi tiyac yacuta huacaichina cuchupi huarcurca. Chai quipaca Is-bosetpac umataca Abnerta enterrashca Hebrón pueblollapitami enterrarca.

2 SAMUEL 8:18

Joiadapac churi Benaiasca peleteocunata, Cereteocunata mandacmi carca. Davidpac churicunaca curacunami carca.

1 REYES 2:29

Joabca Mandac Dios-huan tupana huasiman miticungapac rishpami, altar ladopi shayacun nishpa, Salomonman huillarca. Chashna huillacpimi Salomonca, Joiadapac churi Banaiastaca: «¡Joabta ri huañuchigri!» nishpa mandarca.

1 REYES 2:31

Shina huillacpi jatun mandacca: —Pai nishca shinallatac ruhuailla. Huañuchishpa enterragri. Shina ruhuashpami, manapish huañuchina gentecunata Joab huañuchishpa yahuarta jichashcamantaca ñucamantapish, ñuca taitapac familiapuramantapish anchuchingui.

1 REYES 2:34

Shina nicpimi, Joiadapac churi Benaiasca huichai rishpa, cungailla Joabtaca huañuchirca. Paitaca, shitashca pambapi cac paipac huasi ladopimi enterrarca.

1 REYES 2:46

Chashna nishpami, jatun mandacca Joiadapac churi Benaiasta mandashpa cacharca. Shina mandacpimi, pai llucshishpa rishpaca, Semeita huañuchirca. Chashnami llactata mandanaca Salomonpac maquipi sinchiyarca.

JUECES 15:12

Shina nicpimi, Judá aillucunaca: —Ñucanchicca canta huatashpa filisteocunapac maquipi churangapacmi shamunchic— nircacuna. Shina nicpimi Sansonca: —Ñucata mana huañuchingapac Diospac shutipi ari nichic— nirca. Shina nicpimi paicunaca:

1 SAMUEL 15:33

Ashtahuanpish Samuelca: «¡Canca, cambac espadahuan huahuacunata huañuchishpami achca huarmicunata huahua illacta saquircangui! Chashnallatacmi cambac mamapish chai huarmicunapac chaupipica huahua illac saquiringa» nirca. Shina nishpami Agagtaca pitinacushpa Gilgal pueblopi Mandac Diospac ñaupapi huañuchirca.