1 REYES 2:24 - Dios Rimashcata Quillcashcami

²⁴ Mandac Diospac shutipimi nini: Paimi ñuca taita David mandashpa tiyarinapi pi mana cuyuchipacta ruhuashpa churarca. Pai nishca shinallatacmi ñuca huahua huahuacunapish, mandashpa causanga. Cunan Mandac Dios ricucucpimi, Adoniasca huañunga» nirca.

1 REYES 2:24 ပူးပေါင်းရင်းမြစ်များ

2 SAMUEL 12:10

Cunanca ñuca nishcata mana uyashpa, heteopuramanta Uriaspac huarmita japishpa, millaita ruhuashcamantaca cambac huasi ucupurapica huañuica jaicapi mana illangachu” nirca.

2 SAMUEL 7:27

Israelcunapac tucuita Mandac Dios canllatacmi canta servic ñucataca: “Cambac huahuacunatami mandac cachun churasha” nircangui. Chaimantami canta servic ñucaca cambac ñaupapi cashna mañangapac sinchicushcani.

1 REYES 1:29

Chaipimi jatun mandac Davidca: —¡Mandac Diospac shutipimi nini!: Tucui llaquimanta ñuca almata quishpichishcami.

1 REYES 1:46

Chaipac jahuapica, ñami Salomonca mandashpa tiyarinapi tiyacun.

1 REYES 1:52

Shina huillacpimi Salomonca: —Pai allita ruhuac runa cacpica, paipac umamantaca shuc acchallapish mana urmangachu. Ashtahuanpish, pai ima mana allita ruhuashca ricuricpica, huañuchishcami canga— nirca.

1 REYES 10:9

Canta Mandac Diosca alli nishca cachun. Paica canta alli nishpami, israelcunata mandashpa tiyarinapi churashca. Mandac Diosca israelcunata cuyashpami, cantaca jatun mandac cachun churarca. Tucuipac allita, imatapish cashcata ruhuashpa mandachunmi churarca» nirca.

1 CRÓNICAS 17:10

Ñuca acllashca israelcunata pushachun churashca punzhamanta pachami paicunataca llaquichirca. Ñucami tucui canta piñaccunataca samachisha. Huillanimi Mandac Dios ñucami shuc huasita shayachisha.

1 CRÓNICAS 17:17

Jatun Mandac Dioslla, caita ruhuashca jahuapish, canta servic ñuca huasi familia quipaman ima shina canatapish huillashcanguimi. Mandac Dioslla, ñucataca shuc valic runata shinami ruhuashcangui.

1 CRÓNICAS 17:23

Cunanca, Mandac Dioslla, canta servic ñucamanpish, ñuca huasi familiamanpish can cusha nishca shina huiñaipac ruhuailla.

1 CRÓNICAS 22:10

Paimi ñucata alli nina huasitaca shayachinga. Paica ñuca churimi canga, ñucapish paipac taitami casha. Ñucami israelcunataca mandashpa, pai mandanataca huiñaita sinchi cachun ruhuasha” nirca.

1 CRÓNICAS 29:23

Chashnami Salomonca paipac taita Davidpac randi Mandac Diospac mandashpa tiyarinapi tiyarirca. Paica tucuipimi alli llucshirca, israelcunapish tucuimi cazurcacuna.

SALMOS 127:1

Mandac Dios mana huasichicpica, yangallami huasichic runacunaca huasichincuna. Mandac Dios pueblota mana cuidacpica, yangallami cuidaccunaca cuidancuna.

ÉXODO 1:21

Chai comadronacunaca Diosta manchacmi carca. Chaimantami paicunamanpish Diosca aillucunata curca.

PROVERBIOS 20:2

Jatun mandac yallita piñarishpaca león huacac shinami manchachin. Pipish paita piñachishpaca paillatacmi huañunga.

1 SAMUEL 25:28

Canta servic ñuca piñachishcataca perdonai. Mandac Diosllatacmi can ñucata mandacmanca huiñaita mandanata cunga. Ñuca amomi Mandac Diosmanta macanacucun. Cambac tucui causaipi ima mana allica canpica mana tiyangachu.