1 REYES 19:6 - Dios Rimashcata Quillcashcami

⁶ Shina nicpi, Elías jatarishpa ricucpica, paipac uma ladopimi cusashca shuc tortillata, shinallatac shuc mangapi yacu tiyacucta ricurca. Chaita micushpa, ubiashpaca cutinmi sueñungapac siririrca.

1 REYES 19:6 ပူးပေါင်းရင်းမြစ်များ

1 REYES 17:4

Chaipica, chai huaicumanta yacuta ubiangui. Shinallatac cuervo animalcunatami chaipi micunata canman carachun mandarcani» nirca.

1 REYES 17:6

Chai cuervo animalcunaca tutamantapish, tandata, aichata chishipish tandata aichatami apamuccuna carca. Yacutapish chai jatun yacumantami ubiac carca.

1 REYES 19:5

Eliasca enebro yura ucupi siririshpami sueñurca. Pai shina sueñucucpimi, shuc ángel tuparishpaca: «Jatari, micui» nirca.

1 REYES 19:7

Chashna sueñucucpimi, Mandac Diospac ángel cutin shamushpa tuparishpaca: «Jatari, micui. Cambac purinaca achca carumi» nirca.

SALMOS 37:3

Mandac Diospi shunguta churashpa allita ruhuailla. Cambac llactapi allita ruhuashpa causailla.

ISAÍAS 33:16

mana manchashpa causanga. Paita jarcac rumica jatun torrecunami canga. Paimanca micunapish, yacupish mana illangachu.

SAN MATEO 26:7

Jesús mizapi tiyacucpimi, shuc huarmica achca valishca mishquilla ashnacucta yurac rumi botellapi apamurca. Chaitami Jesuspac umapi tallirca.

SAN MATEO 4:11

Shina nicpimi, diabloca saquishpa rircalla. Chai quipami angelcunaca Jesusta servingapac shamurca.

SAN MATEO 6:32

Diosta mana ricsiccunami chashna causancuna. Jahua pacha Diosca cancunapac ima illashcataca ña yachanmi.

SAN JUAN 21:5

Chashna cacpimi Jesusca: —Huahuacuna, ¿manachu ima challuata japishcanguichic?— nishpa tapurca. Chashna tapucpi paicunaca: —Imata mana japinchicchu— nirca.

SAN JUAN 21:9

Paicuna canoamanta uricushpaca, nina brazas jahuapi challua cusaricuctapish, tanda chaipi tiyacuctapish ricurcacunami.