1 REYES 19:20 - Dios Rimashcata Quillcashcami

²⁰ Chashna ruhuacpimi, Eliseoca yuntata saquishpa, Eliasta catishpa rishpaca: —Ñuca taitata, ñuca mamata muchashpa cayacaman ningapac shuyai. Chai quipaca canta catishallami— nirca. Shina nicpimi Eliasca: —Cutimugrilla, ñucaca mana jarcacunichu— nirca.

1 REYES 19:20 ပူးပေါင်းရင်းမြစ်များ

GÉNESIS 31:28

Ñuca huahuacunatapish, ñuca ushicunatapish muchashpa, caya minchacaman nichunllapish mana saquishcanguichu. ¡Canca juizhu illac shinami ruhuashcangui!

SAN MATEO 19:27

Chashna nicpimi Pedroca: —Ñucanchicca tucui charishcacunata saquishpami, cantaca caticunchic. ¿Chaimantaca imatatac japishun?— nishpa tapurca.

SAN MATEO 4:20

Shina nicpica, linchicunata chai pambapi saquishpa, Jesusta catishpa rircacunallami.

SAN MATEO 4:22

Chaimantami canoatapish, paicunapac taitatapish saquishpa, Jesusta catishpa rirca.

SAN MATEO 9:9

Chaimanta Jesús rishpaca, Mateotami Roma llactaman mizapi impuestota japishpa, tiyacucta ricurca. Chaimantami paitaca: —Ñucata cati— nirca. Chashna nicpimi, Mateoca jatarishpa catishpa rirca.

HECHOS 20:37

Chai quipaca, tucui chaipi caccunami Pablota ucllarishpa, muchashpa huacanacurca.