1 REYES 19:12 - Dios Rimashcata Quillcashcami

¹² Allpa chucchushca quipaca, ninami ricurirca. Mandac Diosca chai ninapipish mana carcachu. Ninapac quipaca huaira allilla huacacucmi uyarirca.

1 REYES 19:12 ပူးပေါင်းရင်းမြစ်များ

GÉNESIS 15:17

Ña inti tigrashpa, amsa tuta tucucpimi, Abramca shuc hornomanta cushni llucshicuctapish, chaupishca animalcunapac chaupita nina jagan nishpa, pasacuctapish ricurca.

1 REYES 18:38

Chashna mañacpimi, Mandac Dios jahuamanta ninata cachashpa paiman cushpa tucui rupachina aichatapish, yantatapish, rumitapish, allpatapish rupachirca. Shinallatac sanjapi jundashca yacutapish tucuimi chaquichirca.

2 REYES 1:10

Shina nicpimi, Eliasca pichca chunga soldadocunata mandactaca: —Ñuca Diospac runa cacpica, jahua pachamanta nina shamushpa cantapish, cambac pichca chunga soldadocunatapish rupachishpa tucuchichun— nirca. Shina nicpimi, jahua pachamanta nina shamushpa paitapish, paipac pichca chunga soldadocunatapish rupachishpa tucuchirca.

2 REYES 2:11

Paicuna chashna parlanacushpa ricucllapitacmi, nina japiricuc caballocunaca nina japiricuc carretacunata aisashca shamushpa, paicunata chicanyachirca. Shina chicanyachicpimi, Eliasca acapana huairapi huichai rirca.

JOB 33:7

Ñuca rimashcacunaca mana manchachingachu. Ñuca maquipish cantaca mana llaquichingachu.

JOB 4:16

Ñuca ñaupapimi almaca shayarirca. Paipac ñahuitaca mana ricurcanichu. Ñuca ñaupapi upalla shayarishpaca:

ÉXODO 3:2

Chaipimi Mandac Diospac angelca rupacuc zarza yura chaupipi ricurirca. Moisesca zarza yura tucui nina tapashca cashpapish mana rupactami ricurca.

ÉXODO 34:6

Mandac Dios Moisespac ñaupata pasashpaca: —Mandac Diosmi cani. Mandac Diosmi cani. Ñucaca yallita llaquic, cuyac, mana utca piñaric, shinallatac cashcata ruhuacmi cani.

ZACARÍAS 4:6

Shina nicpimi paica: «Tucuita Mandac Diosca Zorobabeltaca: “Caitaca mana soldadocunahuan, mana sinchi cashcahuanchu mishangui. Ashtahuanpish ñuca Espirituhuanmi mishangui.

HECHOS 2:2

Chashna tiyacucpimi, jahua pachamanta cungailla huaira huaj nic shina shamushpa, paicuna tiyacuc huasipi jundarca.

DEUTERONOMIO 4:15

Cancunaca Horeb urcupi nina chaupimanta Mandac Dios rimacucpica, imata mana ricurcanguichicchu. Chaimanta cancunallatac allita cuidarichic.

DEUTERONOMIO 4:33

¿Shuc llactapi causaccunaca nina chaupimanta Dios rimashcata cancuna uyashca shina uyashpapish causashpa caticca tiyangachu?

HEBREOS 12:29

Chaica, ñucanchic Diosca tucuita rupachic nina llama shinami.