1 REYES 19:11 - Dios Rimashcata Quillcashcami

¹¹ Shina nicpimi, Mandac Diosca: —Canzhaman llucshishpa, cai urcullapitac ñucapac ñaupapi shayari— nirca. Mandac Dios chashna nishpa, chaita pasacpica, yallita sinchi huairami shamurca. Chai huairami Mandac Diospac ñaupapi lomacunatapish tuñirca, rumi quingraicunatapish paquirca. Chashna cacpipish, Mandac Diosca chai huairapica mana carcachu. Huaira pasarishca quipaca allpami chucchurca. Mandac Diosca chai allpa chucchuipipish mana carcachu.

1 REYES 19:11 ပူးပေါင်းရင်းမြစ်များ

JOB 38:1

Chaimantami Mandac Diosca manchana huaira chaupimanta Jobta rimashpaca:

SALMOS 50:3

Ñucanchic Diosca mana upalla shamungachu. Paipac ñaupataca tucuchic ninahuan, paipac muyunditaca acapana huairahuanmi shamunga.

SALMOS 68:8

Chashna shamucpica, allpaca chucchurcami. Jahua pachamantapish tamya urmarcami. Sinaí urcupish israelcunapac Diospac ñaupapica chucchurcami.

SALMOS 68:9

Dioslla, achca tamyatami cacharcangui. Chashna cachashpami cambac chaquishca allpatapish nuyuchircangui.

ÉXODO 19:16

Ña quimsa punzha pacarimucucpica, tulun nishpa, relampa jaguin nishpa, shinallatac amsa puyupish urcuta taparcami. Cutin corneta sinchita tocashcapish uyarircami. Shina uyaricpimi, carpa ucupi tiyac israelcunaca mancharishpa chucchurca.

ÉXODO 19:20

Mandac Diosca Sinaí urcu jahuaman shamushpami, Moisesta cayarca. Chashna cayacpimi, Moisesca chai urcu jahuaman huichai rirca.

ÉXODO 20:18

Tucui israelcunamami tulun nishcatapish, corneta tocashcatapish uyarca. Shinallatac relampa jaguin nishcatapish, Sinaí urcu cushni tapashcatapish ricurca. Chaimantami manchaihuan chucchushpa caruyarca.

ÉXODO 24:12

Mandac Diosca Moisestaca: —Ñucahuan tupangapac urcuman shamushpa, chaipi shuyai. Chaipimi tabla rumipi ñuca mandashcacunatapish, israelcunata yachachishcacunatapish cusha— nirca.

ÉXODO 24:18

Moisés puyu ucuman yacushpa, urcu jahuaman huichai rishpaca, chuscu chunga punzhata shinallatac chuscu chunga tutatami chaipi carca.

ÉXODO 34:2

Cayandi utca jatarishpa, Sinaí urcu jahuapi ñucahuan tupangapac huichai shamui.

ÉXODO 34:6

Mandac Dios Moisespac ñaupata pasashpaca: —Mandac Diosmi cani. Mandac Diosmi cani. Ñucaca yallita llaquic, cuyac, mana utca piñaric, shinallatac cashcata ruhuacmi cani.

ISAÍAS 30:30

Mandac Diosca sinchita rimashcatami uyachinga. Jatun poderyuc paipac rigratapish urai ricuchingami. Manchana paipac piñarishca ñahuihuanpish, tucuchic ninahuanpish, sinchi huaira tamyahuanpish, jatun rumi shina, runduhuanpish tucuchingami.

EZEQUIEL 1:4

Ñucaca jahua ladomanta acapana huaira shamucucta, achca puyu jahuata nina pillurishca shamucuctami ricurcani. Cutin chai chaupipica sumaimana achiclla bronceman riccha jagan nicuctami ricurcani.

EZEQUIEL 37:7

Ñucaca pai mandashca shinami chai tullucunamanca huillarcani. Chashna huillacucpimi, tulun nishpa, allpa chucchushca uyarirca. Chaipimi chai tullucunaca paicunapura tandanacurca.

NAHÚM 1:3

Mandac Diosca imatapish ruhuacmi. Mana allita ruhuaccunataca llaquichingatacmi. Shina cashpapish mana utca piñaricchu. Mandac Diosca tamya acapana huairapimi purin. Puyuca pai purishca polvomi.

ZACARÍAS 14:5

Chai pugru pambaca Azal llactacamanmi canga. Cancunaca chai urcu chaupipi tiyac pugru pambapi miticugringuichic. Judá llactata jatun mandac Uzías mandacui punzhacunapi jatun allpa chucchucpi, miticugrishca shinami miticugringuichic. Chai quipami ñucata Mandac Diosca paipac angelcunahuan shamunga.

ZACARÍAS 4:6

Shina nicpimi paica: «Tucuita Mandac Diosca Zorobabeltaca: “Caitaca mana soldadocunahuan, mana sinchi cashcahuanchu mishangui. Ashtahuanpish ñuca Espirituhuanmi mishangui.

SAN MATEO 24:7

Llactacunapurapish, jatun mandaccunapurapishmi macanacunga. Maijan llactapica allpa chucchuipish, yarcaipish tiyangami.

SAN MATEO 28:2

Paicuna chayacucpimi, cungailla allpa yallita chucchurca. Mandac Diospac angelmi jahua pachamanta shamushpa, Jesusta enterrashcata huichcashca rumita anchuchishpa, chai rumi jahuapi tiyarirca.

HEBREOS 12:26

Ñaupa punzhacunapica, Diosca pai rimashcahuanmi cai pachata chucchuchirca. Ashtahuanpish cunan chucchuchinamanta rimashpaca: «Mana cai pachallatachu chucchuchisha, jahua pachatapish chucchuchishami» ninmi.

APOCALIPSIS 11:19

Shina cacpica, jahua pachapi tiyac Diosta mañana huasimi pascarirca. Chaipica Dios-huan ari nishca Arcami ricurirca. Urcucuna tulun nishcapish, rimashcacunapish uyarircami. Relampa achic nishcapish ricurircami. Allpapish chucchurcami, rundupish yallitami urmarca.

APOCALIPSIS 16:18

Chashna nicpica urcu tulun nishcapish, rimashcacunapish uyarircami. Relampa achic nishcapish ricurircami. Shinallatac gentecuna cai pachapi tiyashca punzhamanta pacha jaicapi mana chucchushcatami, allpaca chucchurca.

APOCALIPSIS 20:11

Chai quipaca shuc jatun yuranlla mandashpa tiyarinapi shuc tiyacuctami ricurcani. Paipac ñaupamantaca cai pachapish, jahua pachapish tucui chingarishpami maipi mana ricurirca.

1 SAMUEL 14:15

Chaimantami carpa huasicunapi caccunapish, pambapi caccunapish tucui gentecuna yallita mancharirca. Cuidac soldadocunapish, cungailla yaicushpa macac soldadocunapish munaimi mancharirca. Allpapish chucchurcami. Chaimantami yallita mancharishpa imatapish mana ruhuai pudircacuna.