1 REYES 18:42 - Dios Rimashcata Quillcashcami

⁴² Shina nicpimi, Acabca micushpa, ubiashpa tiyacungapac huichai rirca. Eliasca Carmelo urcu jahuaman rishpami cungurishpa, paipac ñahuitaca mucu chaupipi churarca.

1 REYES 18:42 ပူးပေါင်းရင်းမြစ်များ

GÉNESIS 24:52

Chaita Abrahamta servic uyashpaca, Mandac Diospac ñaupapimi pambacaman cumurirca.

2 SAMUEL 12:16

Chaimantami Davidca huahuamanta Diosta mañarca. Chashnami ayunashpa, ucuman yaicushpa, Mandac Diosta mañashpa tucui tuta pambapi pacarirca.

1 REYES 18:41

Chai quipami Eliasca Acabtaca: «Huichaiman rishpa micushpa, ubiashpa tiyacugri. Ñamari tamya huaj nishpa uyarimun» nirca.

1 REYES 18:43

Chai quipami paita servictaca: —Mama cuchata ricugri— nirca. Shina nicpi, pai huichai rishpa ricushpaca: —Ima mana ricurinchu— nirca. Shina nicpimi Eliasca: —Canchis cutincaman ricugringui— nirca.

1 REYES 19:13

Elías chaita uyashpaca, pai jahualla churarishcahuan ñahuita jarcarishpami tapashpa, canzhaman llucshishpa chai jatun machai pungupi shayarirca. Elías chaipi shayacucpica: —¿Elías imatatac caipica ruhuacungui?— nirca.

ESDRAS 9:6

mañashpaca: «Ñuca Dioslla, yallita manchaihuan, pingaihuan cashpami, ñuca ñahuihuan canta huichai ricunatapish mana pudini. Ñuca Dioslla, ñucanchic mana allita ruhuashcaca yallita mirashpami, umacaman tapashpa, jahua pachacaman chayashca.

JOB 37:11

Puyupi yacuta tandachicpimi, puyuca relampata caita chaita cachan.

SALMOS 89:7

Cambaclla tandanacushcapica manchana Diosmi cangui. Tucui cambac muyundipi tiyaccunapac cumurina Diosmi cangui.

ISAÍAS 38:2

Shina nicpimi, Ezequiasca pirca ladoman tigrarishpa, Mandac Diosta mañashpaca:

ISAÍAS 6:2

Paipac jahuapica serafín angelcunami tiyacurca. Cada angelmi sucta alasyuc carca. Chai angelcunaca ishcai alas-huanca paicunapac ñahuita, caishuc ishcai alas-huanca chaquitami tapashca carca. Cutin caishuc ishcai alas-huanca volacurcami.

JEREMÍAS 46:18

Ñucaca causacuc Jatun Mandacmi cani. Ñuca shutica tucuita Mandac Diosmi. Soldadocunaca tucui urcucunamanta yalli Tabor urcuta, mama cucha ladopi tiyac Carmelo urcuta yalli jatunmi chayamunga.

DANIEL 9:3

Chaimantami Mandac Diospacman cutirishpa, ayunashpa, sharpa churanata churarishpa, uchupata tallirishpa, paita yallita mañarcani.

DANIEL 9:7

Mandac Dioslla, canca cashcata ruhuacmi cangui. Ñucanchicca cunan punzhapi shina pingaichishca cangapacllami canchic. Judá llactapi, Jerusalenpi, cuchullapi causac, carupi causac tucui israelcunapish, canta mana cazushcamanta tucui cai pachata catishpa cachashcacunapish chashnami tucushun.

SAN MATEO 14:23

Shina cachashca quipaca, pailla urcuman rishpami, Diosta mañagrirca. Chaipica tutayangacamanmi pailla carca.

MARCOS 14:35

Jesús ashata ñaupaman rishpa, pambacaman cumurishpa, Diosta mañashpaca: «Cai llaquita ñuca mana apaipac cacpica, cunan anchuchi.

SAN LUCAS 6:12

Chai punzhacunapimi Jesusca Diosta mañangapac urcuman rirca. Chaipica tucui tutami Diosta mañarca.

HECHOS 10:9

Cayandi punzha, chai runacuna Jope puebloman ñanta chayacucpica, chaupi punzha shina cacpimi, Pedroca pai pozana huasi jahuaman huichicushpa, Diosta mañacurca.

JOSUÉ 7:6

Chaimantami Josueca yallita llaquirishpa, churanata lliquishpa Mandac Diospac Arca ñaupapi israelcunata pushac yuyaccunandi tutayangacaman pambacaman cumurirca. Shinallatac llaquirishpami, uchupata umapi churarirca.

1 SAMUEL 12:18

Shina nishca quipami Mandac Diosta caparishpa Samuel mañacpica, Mandac Diosca relampatapish, tamyatapish chai punzhapica yallita cacharca. Shina ruhuacpimi Mandac Diostapish, Samueltapish tucui gentecuna yallita mancharca.