1 REYES 18:40 - Dios Rimashcata Quillcashcami

⁴⁰ Chaimantami Eliasca: «¡Baal diosmanta huillaccunata shucllapish ama miticuchun, tucui japichi!» nirca. Shina nicpimi, tucui japircacuna. Shina japicpica, Cisón huaicuman apashpami, chai huillaccunataca cungata pitishpa huañuchirca.

1 REYES 18:40 ပူးပေါင်းရင်းမြစ်များ

1 REYES 18:41

Chai quipami Eliasca Acabtaca: «Huichaiman rishpa micushpa, ubiashpa tiyacugri. Ñamari tamya huaj nishpa uyarimun» nirca.

1 REYES 19:1

Acabca Elías tucui ima ruhuashcata, Baalmanta huillaccunata ima shina espadahuan huañuchishcatami Jezabelman huillarca.

2 REYES 11:18

Chai quipaca, chai llactapi causac tucui gentecunami Baal diospac huasiman yaicushpa, tucui urmachirca. Shinallatac chai ucupi tiyac altarcunata, imamanpish riccha tucui dioscunatapish paquishpa, Baal diosta servic Matán curatapish altar cuchupi huañuchirca. Chai quipaca Joiada curaca Mandac Diospac huasita cuidachunmi soldadocunata churarca.

2 CRÓNICAS 23:15

Chai soldadocuna chai huarmitaca caballocuna yaicuna punguta llucchishpami mandana huasiman apashpa huañuchirca.

2 CRÓNICAS 23:17

Chai quipami Baal diospac huasiman tucui gentecuna yaicushpa tucui urmachirca. Altarcunatapish urmachishpami, chaipi tiyac imamanpish riccha dioscunatapish ñutuchirca. Baal diosta servic Matán curatapish altar ñaupallapitacmi huañuchirca.

ÉXODO 22:20

Maijanpish Mandac Diosman animalcunata huañuchishpa, mana cushpa, shuctac dioscunaman cucca huañunami can.

JEREMÍAS 48:10

¡Mandac Dios ruhuachun nishcata mana alli ruhuacca mana alli nishca cachun! ¡Jatun macanacuita cachacpi, mana huañuchishpa cutic runapish mana alli nishca cachun!

DEUTERONOMIO 13:5

Ashtahuanpish chai huillac, mana cashpaca muscuc runaca cancuna Egiptopi huatashca shina causacucpi, llucchic Mandac Diospac contra huillashcamantaca huañuchishcami canga. Chai huillacca cancunata Mandac Dios ima shina causachun yachachishcamanta anchuchishpami pandachisha ninga. Chashna huañuchishpami cancunapac chaupimanta millaita anchuchinguichic.

DEUTERONOMIO 13:6

Cancunapac huauqui, cancunapac churi, cancunapac ushi, cancunapac cuyashca huarmi, mana cashpaca, cancunapac mai ricsishca: “Canpish, cambac taitacunapish mana ricsishca shuctac dioscunata,

DEUTERONOMIO 18:20

Maijan huillac ñuca shutipi manapish ñuca huillachicpi, mana cashpaca shuctac yanga dioscunapac shutipi huillacpica, chai huillactaca huañuchinguichic” nirca.

APOCALIPSIS 19:20

Chai manchana animaltapish, llullashpa huillactapish prezumi japircacuna. Chai llullashpa huillacca chai manchana animalpac ñaupapimi pi mana ruhuaipaccunata ruhuashpa ricuchic carca. Cai ruhuashcacunahuanmi chai llullashpa huillacca manchana animalpac shutita frentepi chariccunatapish, shinallatac chai animalman ricchata alli niccunatapish umashca carca. Chai ishcaicunataca causactami azufrehuan rupacuc nina cuchapi shitashca carca.

APOCALIPSIS 20:10

Chai llullashpa crichic diablotaca azufrehuan rupacuc nina cuchamanmi shitashca carca. Chaillapitami llullashpa huillacpish, manchana animalpish shitashca carca. Chaipica tutapish, punzhapish huiñaitami llaquichishca canga.

JUECES 4:13

Chaimantami Sisaraca paipac iscun patsac fierro carretacunata, tucui paihuan cac gentecunatapish Haroset-goim pueblomanta Cisón yacucaman tandachirca.

JUECES 4:7

Ñucaca Cisón huaicumanmi Jabinpac macanacuc runacunata, mandac Sisarata carretacunandi apamushpa, cancunapac maquipi churasha” ninmi— nirca.

JUECES 5:21

Cisón huaicu yacumi tucui pichashpa aparca. Ñaupaman tiyac Cisón yacumi aparca. Ñuca almalla, sinchita rilla.