1 REYES 18:39 - Dios Rimashcata Quillcashcami

³⁹ Chaita tucui gentecuna ricushpa, allpacaman cumurishpaca: «¡Mandac Diosca, Diostacmi! ¡Mandac Diosca Diostacmi!» nircacuna.

1 REYES 18:39 ပူးပေါင်းရင်းမြစ်များ

1 REYES 18:21

Chashna tandachicpimi, gentecunapac ñaupaman Elías cuchuyashpaca: —¿Ima horascamantac cancunaca cashna ishcai yuyaihuan causagringuichic? Mandac Dios, Dios cacpica, paita catichicyari. Mana cashpaca Baal dios cacpica, paita catichicyari— nirca. Shina nicpica, gentecunaca imata mana nircachu.

1 REYES 18:24

Chai quipaca, cancunapac diosta mañanguichic. Ñucapish Mandac Diosta mañashami. Mañashcata uyashpa, ninata cachac Diosllami ¡Diosca canga!— nirca. Shina nicpimi, tucui gentecunaca: —¡Allitami ningui!— nircacuna.

1 REYES 20:13

Shina cacpimi, Dios ima nishcata huillac shuc runa Israel llactata jatun mandac Acabpacman shamushpaca: —Mandac Diosca: “¡Cai tucui gentecunata ricunguichu! Riqui, ñucataca Mandac Dios cashcata ricsichunmi, cunanca paicunataca cambac maquipi churagrini” ninmi— nirca.

1 REYES 8:60

Chashna ruhuacpimi, cai pachapi tiyac tucui llactacunapi causaccunaca shuctac Dios mana tiyashcata, ashtahuanpish Mandac Dioslla, Dios cashcata yachangacuna.

1 CRÓNICAS 21:16

David huichai ricushpaca, Mandac Diospac ángel cai pachahuan jahua pachahuan chaupipi shayacuctami ricurca. Shinallatac paipac maquihuanca espadata Jerusalén pueblo ladoman ricuchishpa charicuctami ricurca. Chaimantami Davidpish, israelcunata pushac yuyaccunapish sharpa churanata churarishpa allpacaman cumurirca.

2 CRÓNICAS 33:13

Chashna mañacpica, pai mañashcata uyashpami, Mandac Diosca Judá llactata paillatac mandashpa catichun, cutin Jerusalenman cutichimurca. Shina ruhuacpimi, Manasesca Mandac Diosllatac Dios cashcata yachac chayarca.

2 CRÓNICAS 7:3

Nina japiricucpish, Mandac Diospac sumaimana achicpish chai huasi jahuaman shamucta tucui israelcuna ricushpami, rumi pambapi cungurishpa, pambacaman cumurishpa, Mandac Diostaca: «Diosca allimari, paica huiñai huiñaitami llaquin» nircacuna.

ESDRAS 1:3

Shina cashcamanta cancunapurapi, Pai acllashca, Mandac Diosta caticcuna caipi tiyashpaca, Judá llactapi cac Jerusalenman huichai rishpa israelcunata mandac Diospac huasita shayachichuncuna. Paicunata Mandac Diosca paicunahuan cachun.

SALMOS 100:3

Mandac Diostaca, Dios cashcata ricsichicyari. Paimi ñucanchictaca ruhuarca. Ñucanchicca mana ñucanchicllatac ruhuarircanchicchu. Pai acllashca gentecunami canchic. Paipac michina pambapi micuc ovejacunami canchic.

SALMOS 118:27

Mandac Diosca, Diosmi. Paimi ñucanchicta achicyachirca. Paiman cuna animalta altar gachucunapi huataichic.

SALMOS 50:7

Diosca: «Ñuca acllashcacunalla, ñuca rimashcata uyaichic. Israelcunalla, ñucami cambac contra rimagrini. Ñucaca Diosmi cani. Cancunapac Diosmi cani.

SALMOS 94:16

Millaita ruhuaccunahuan shayaringapacca ¿pitac ñucataca ayudangayari? Mana allita ruhuaccunahuan shayaringapacca ¿pitac ñuca parte tucungayari?

ÉXODO 20:2

«Ñucaca Mandac Diosmi cani. Ñucami cancunataca Egipto llactapi huatashca shina llaquita causacushcamanta llucchircani.

EZEQUIEL 20:5

ricushpa: “Mandac Diosca: Israelcunata acllai punzhapimi Jacobopac huasi ucupuracunahuan maquita alzashpa ari nircani. Egipto llactapi Mandac Dios ñuca cashcata ricsichishpami, ñuca maquita alzashpa, ari nishpaca:

LEVÍTICO 9:24

Mandac Diospac ñaupamanta nina llucshimushpami, tucui rupachina animal aichatapish, altar jahuapi churashca huiratapish tucui rupachirca. Caita ricushpaca, tucui israelcunami cushicushpa, pambacaman cumurishpa, Mandac Diostaca allimari cangui nirca.

SAN JUAN 5:35

Juan huillashcaca luz achicyachicuc shinami carca. Cancunaca ashacamanllami achicpi canata munarcanguichic.

HECHOS 2:37

Chaipi caccunaca Pedro chashna huillacta uyashpami, shungupi llaquirirca. Chaimantami Pedrotapish, apostolcunatapish tapushpaca: —Huauquicuna, ¿imatatac ruhuashun?— nirca.

HECHOS 4:16

parlanacushpaca: —Cai runacunataca, ¿imatatac ruhuanchic? Paicuna mancharina milagrocunata ruhuashcataca, Jerusalenpi causaccunapish tucuimi alli yachancuna. Chaitaca mana negai pudinchicchu.

JUECES 13:20

Diosman cushca altarpi nina culun nishpa huichai ricucpimi, Mandac Diospac angelca Manoapish, paipac huarmipish ricucucpi ninapi huichaiman rishpa chingarirca. Chaimantami paicunaca pambaman tuparicta cumurircacuna.