1 REYES 18:38 - Dios Rimashcata Quillcashcami

³⁸ Chashna mañacpimi, Mandac Dios jahuamanta ninata cachashpa paiman cushpa tucui rupachina aichatapish, yantatapish, rumitapish, allpatapish rupachirca. Shinallatac sanjapi jundashca yacutapish tucuimi chaquichirca.

1 REYES 18:38 ပူးပေါင်းရင်းမြစ်များ

GÉNESIS 15:17

Ña inti tigrashpa, amsa tuta tucucpimi, Abramca shuc hornomanta cushni llucshicuctapish, chaupishca animalcunapac chaupita nina jagan nishpa, pasacuctapish ricurca.

1 REYES 18:24

Chai quipaca, cancunapac diosta mañanguichic. Ñucapish Mandac Diosta mañashami. Mañashcata uyashpa, ninata cachac Diosllami ¡Diosca canga!— nirca. Shina nicpimi, tucui gentecunaca: —¡Allitami ningui!— nircacuna.

1 REYES 18:35

Shina nicpipish, cutinllatacmi chashnallatac ruhuarcacuna. Chashna tallicpica, altar muyundita yacu tallirishpami chai sanjapi jundarca.

1 REYES 18:37

Mandac Dioslla, ñuca mañashcata uyai. Ñuca mañashcata cutichiyari. Chashna cutichicpimi, cai Israel llactapica, can Mandac Dioslla, Dios cashcata yachangacuna. Shungumanta canman cuti richun, can cayacushcatapish yachangacuna» nishpa mañarca.

2 REYES 1:12

Shina nicpimi Eliasca: —Ñuca Diospac runa cacpica, jahua pachamanta nina shamushpa cantapish, cambac pichca chunga soldadocunatapish rupachishpa tucuchichun— nirca. Shina nicpimi, jahua pachamanta nina shamushpa, paitapish, paipac pichca chunga soldadocunatapish rupachishpa tucuchirca.

1 CRÓNICAS 21:26

Davidca chaipimi Mandac Diosman shuc altarta ruhuashpa, Diosman animalta cushpa, tucui rupachirca. Dios-huan alli tucungapacpish, animalcunata rupachishpami Diosta mañarca. Pai mañashcata uyashpami, tucui rupachina animalta churashca altarman jahua pachamanta ninata cacharca.

2 CRÓNICAS 7:1

Salomón chashna mañacpica, jahua pachamanta nina shamushpami Diosman cushpa huañuchishca animalcunapac aichataca tucui rupachirca. Diospac huasipica Mandac Diospac sumaimana achicmi jundarca.

JOB 1:16

Chaita huillacucllapitacmi shuc runa shamushpaca: —¡Jahua pachamanta Diospac nina shamushpami ovejacunatapish, michiccunatapish rupachishpa tucuchin! Chaita huillangapacmi ñucalla saquirircani— nirca.

ISAÍAS 31:9

Paicunaca manchaihuanmi irquiyashca saquiringa. Mandaccunapish yallita mancharishpami, paicunapac banderacunata shitashpa callpanga. Sión urcupica ninata japichishpami shuyacun. Jerusalenpica hornota rupacyachishpami shuyacun. Chaitaca Mandac Diosca ñucami nini.

LEVÍTICO 10:1

Aaronpac churi Nadab, Abiú curacunami incienso rupachinapi ninata japichishpa, Mandac Diospac ñaupapi inciensota rupachicurca. Chashnami manapish Mandac Dios mandacpimi, yanga inciensota churashpa rupachicurca.

LEVÍTICO 10:2

Chaimantami Mandac Diospac ñaupamanta nina llucshishpa, paicunataca rupachirca. Chashnami Mandac Diospac ñaupallapitac huañurca.

LEVÍTICO 9:24

Mandac Diospac ñaupamanta nina llucshimushpami, tucui rupachina animal aichatapish, altar jahuapi churashca huiratapish tucui rupachirca. Caita ricushpaca, tucui israelcunami cushicushpa, pambacaman cumurishpa, Mandac Diostaca allimari cangui nirca.

APOCALIPSIS 13:13

Pi mana ruhuaipaccunatapish ruhuashpa ricuchishpami, jahua pachamantapish ninata tucuipac ricuipi urmachirca.

JUECES 6:21

Mandac Diospac angelca pai charicushca taunahuanmi aichapipish, levadura illac tandapipish tupachirca. Shina tupachicpica, nina culun nishpami aichatapish, levadura illac tandatapish tucui rupachirca. Chai quipaca Mandac Diospac angelca paipac ñaupamanta anchurircallami.