1 REYES 18:31 - Dios Rimashcata Quillcashcami

³¹ Eliasca Jacobopac chunga ishcai churicunata ricuchic cachunmi chunga ishcai rumicunata japishpa altarta allichirca. Mandac Diosmi Jacobotaca: «Cambac shutica Israelmi canga» nishca carca.

1 REYES 18:31 ပူးပေါင်းရင်းမြစ်များ

GÉNESIS 32:28

Chashna nicpimi, chai runaca: —Cunanca, ña mana Jacobo shutichu cangui. Dios-huanpish, runacunahuanpish macanacushpa, mishashcamantaca Israel shutimi cangui— nirca.

GÉNESIS 32:29

Shina nicpimi, Jacoboca paitaca: —¿Ima shutitac cangui? Huillaiyari— nirca. Shina nicpimi, chai runaca: —¿Imapactac ñuca shutita tapungui?— nirca. Chai quipami chai runaca Jacobota chaillapitac bendiciarca.

GÉNESIS 33:20

Chaipimi shuc altarta shayachishpa, EL-Elohe-Israelta shutichirca.

GÉNESIS 35:10

Chaipimi Diosca: «Canca Jacobo shutimi cangui. Quipamanca mana Jacobo shutichu cangui, ashtahuanpish Israel shutimi cangui» nirca.

2 REYES 17:34

Paicunaca cunan punzhacamanmi utcapi ruhuashca shinallatac ruhuashpa causancuna. Mandac Diostapish mana manchancunachu. Pactachichun pai cushcatapish, mandashcacunatapish mana cazuncunachu. Jacobopac huahua huahuacunaman Mandac Dios mandashpa cushcatapish, pactachichun cushca mandashcacunatapish mana pactachincunachu. Jacobotaca Israeltami shutichirca.

ESDRAS 6:17

Chai huasita Diosman cushpaca, patsac becita, ishcai patsac cari ovejata, chuscu patsac maltón ovejatami Diosman curcacuna. Tucui israelcunapac juchamantaca chunga ishcai Israel aillucuna cashca shinallatacmi chunga ishcai maltón chivota curcacuna.

ÉXODO 24:4

Moisesca Mandac Dios tucui nishcacunata quillcashpami, cayandi tutamanta utca jatarishpa, urcu chaquipi shuc altarta ruhuarca. Chai altartaca chunga ishcai Israel aillucunata catishpami, chunga ishcai rumita japishpa shayachirca.

ISAÍAS 48:1

Israel shuti, Jacobopac huahuacuna, caita uyaichic. Cancunaca Judapac huahua huahuacunami canguichic. Mandac Diospac shutipi ari nishpapish, israelcunapac Diosta mañashpapish mana ciertota yuyaringuichicchu. Ashtahuanpish jahua shungullami canguichic.

JEREMÍAS 31:1

Mandac Diosca: «Chai huatacunapica ñucaca tucui Israel aillucunapac Diosmi casha. Paicunaca ñuca acllashcacunami canga» ninmi.

EZEQUIEL 47:13

Mandac Diosca: Chunga ishcai Israel aillucunaman allpata chaupishpaca, cai linderocunata churanguichic. Joseca ishcai parte allpatami japinga.

EFESIOS 2:20

Jesucristomi huasita ruhuangapac callaripi churashca rumi shinaca can. Diosmanta huillaccunapish, Jesús acllashca huillaccunapish chai rumi jahuallapitacmi huasita ruhuangapac callaric shinaca. Cutin cancunaca chai huasi jahuapi huasichishca shinami canguichic.

JOSUÉ 4:20

Chaipimi Josueca Jordanmanta apamushca chunga ishcai rumicunata shayachirca.

APOCALIPSIS 21:12

Chai pueblo muyundictaca jahuacaman jarcashca, chunga ishcai pungutami charirca. Tucui chai pungucunapimi shuc ángel carca. Shinallatac pungucunapica Israelpac chunga ishcai aillucunamanta shuc aillupac shutita quillcashcami carca.